ەلىمىزدە قانشا مال باسى تىركەلمەگەن
ول 2022-جىلدىڭ 31- مامىرىنا دەيىن جۇمىس ىستەيتىن بولادى، دەپ حابارلايدى قازاقپارات.
«ۆەتەريناريا قىزمەتتەرىندەگى قىزمەتكەرلەر وقىتىلدى، جۇيەدە تىركەۋگە جاتاتىن اۋىل شارۋاشىلىعى جانۋارلارىن سايكەستەندىرۋ ءۇشىن جەرگىلىكتى اتقارۋ ورگاندارى باسقارمالارى قوسالقى جانە فەرمەرلىك شارۋاشىلىقتاردى ارالاۋدى باستادى.
«جاسىل ءدالىزدىڭ» اشىلۋى اۋىل شارۋاشىلىعى جانۋارلارىن سايكەستەندىرۋ قاعيدالارىنا سايكەس، 2000-2021-جىلدار ارالىعىنداعى تۋعان كۇنى دياپازونىمەن اجب اقپاراتتىق جۇيەسىندە تىركەلمەگەن جانۋارلاردى سايكەستەندىرۋ جانە تىركەۋ جونىندەگى جۇمىستى اياقتاۋعا مۇمكىندىك بەرەدى. جەدەل دەرەكتەر بويىنشا بۇگىنگى تاڭدا ەلىمىزدە 432 مىڭعا جۋىق تىركەلمەگەن مال باسى بار»، - دەلىنگەن اۋىل شارۋاشىلىعى مينيسترلىگى مالىمەتىندە.
سونىمەن قاتار، ق ر ا ش م ۆەتەرينارلىق باقىلاۋ جانە قاداعالاۋ كوميتەتىنە جۇيەگە تۇزەتۋلەر ەنگىزۋ الگوريتمىن ازىرلەۋ، تىركەلمەگەن مال باسىن ا ج ب دەرەكتەر بازاسىندا زاڭداستىرۋ، ا ج ب موبيلدى قوسىمشاسىن پايدالانۋ بولىگىندە (تەحنيكالىق دايىندىعىنا قاراي) اۋىل شارۋاشىلىعى جانۋارلارىن سايكەستەندىرۋ ەرەجەلەرى مەن دەرەكتەر بازاسىن قالىپتاستىرۋ جانە جۇرگىزۋ قاعيدالارىنا وزگەرىستەر ەنگىزۋ بويىنشا جۇمىس ىستەۋ تاپسىرىلدى.
ەستەرىڭىزگە سالا كەتەيىك، «جاسىل ءدالىز - 2» اياسىندا جۇرگىزىلگەن جۇمىستاردىڭ قورىتىندىسى بويىنشا قوسىمشا 71343 اۋىل شارۋاشىلىعى مالى تىركەلگەن.
