بەيجىڭدەگى جارىستا كونكيشىلەرىمىزدىڭ جولى بولمادى
ءبىراق ەسە جىبەرىپ قويدى. ءتىپتى العاشقى وندىققا دا ەنبەدى.
جاندوس ايتباي ۇلى، ءتىلشى:
- بەيجىڭ وليمپياداسىنىڭ كەزەكتى جارىس كۇنى ات باسىن كونكيشىلەرگە بۇردىق. قىزدار 1500 مەترلىكتە جۇلدەلى ورىنداردى ساراپقا سالعان بولاتىن. بۇل قاشىقتىق جەرلەسىمىز موروزوۆانىڭ وڭ جامباسىنا كەلەتىن بولعاندىقتان، نادەجدادان ءۇمىت كۇتتىك. الايدا 3 مىڭ مەترلىك جارىستان كەيىن وزىنە سەنىمدى بولعان موروزوۆا مىقتىلاردى اينالىپ وتە المادى. شاماسى قاتتى ۋايىمداسا كەرەك، ۇزدىك وندىققادا كىرە العان جوق.
نادەجدا موروزوۆا، ۇلتتىق قۇراما مۇشەسى:
- تىم جىلدام جۇگىرىپ وتەمىن دەپ ويلاعان ەدىم. ءبىراق قولىمنان كەلمەدى. شارشاپ قالدىم. شاماسى قاتتى قوبالجىعان بولۋىم كەرەك.
بۇگىنگى سايىستا ەل نامىسىن ەكاتەرينا ايدوۆادا قورعاعان. اشىلۋ راسىمىندە ابزالمەن بىرگە كوك تۋىمىزدى كوتەرىپ شىققان جەرلەسىمىز نامىسقا تىرىستى. وتكەن جىلدىڭ جەلتوقسان ايىندا كالگاريدەگى الەم كۋبوگىندا مىڭ جارىم مەتردە ايدوۆا 1مينۋت 54 سەكۋند كورسەتكەن. ءبىراق بەيجىڭدە ەڭ ۇزدىك ناتيجەسىن قايتالاي العان جوق. جارىس قورتىندىسى بويىنشا 18- ساتىعا تابان تىرەدى.
ەكاتەرينا ايدوۆا، ۇلتتىق قۇراما مۇشەسى:
- مۇزدىڭ ساپاسى ناشارلاۋ بولعان سياقتى. جاقسى باستاعام، ءبىراق سوڭىنا قاراي ەنىگىپ قالدىم.
ءدال وسى كۇنى قازاق جانكۇيەرلەرى تاعى ءبىر كونكيشى قىز ءۇشىن تاقىم قىستى. قىتايدىڭ شىڭجاڭ ايماعىندا تۋىپ وسكەن قانداسىمىز اقنار اداق قىزى قىتاي تۋى استىندا سىنعا تۇسكەن ەدى. ناتيجەسىدە جامان ەمەس. ءوزىنىڭ جەكە رەكوردىن تىركەدى. شالعايدا تۋسادا جۇرەگى قازاق دەپ سوققان قارىنداسىمىز قىتايلاردىڭ قارسىلىعىنا قاراماستان بىزگە سۇحبات بەرۋگە ۋاقىت ءبولدى.
- كىم توپ جاردى دەگەنگە كەلسەك، باس جۇلدە تاعىدا گوللاندياعا كەتتى. 3 مىڭ مەتردە الدىنا جان سالماعان قىزعالداقتى ەلدىڭ بوي جەتكەندەرى بۇل جولىدا اۋزىمەن قۇس تىستەپ كەلدى.
اتى اڭىزعا اينالعان يرين ۆيۋست 6 دۇركىن وليمپيادا چەمپيونى اتانىپ قانا قويماي، وليمپيادا رەكورتىن جاڭارتتى. جاپون قىزى ميحو تاكاگي كۇمىستەن القا تاقسا، ءبىزدىڭ موروزوۆامەن بىرگە جۇگىرگەن تاعى ءبىر گوللانديالىق دە يونگ قولا جۇلدەگەر اتاندى. ەندى 1000 جانە 500 مەتردە ايدوۆاعا سەنىم ارتامىز.
جاندوس ايتباي ۇلى، داۋرەن جۇرحابايەۆ
www.24.kz
