الماتىدا قوناق ۇيلەردىڭ بىرىنەن ۇرلانعان تەلەفوندار، پىشاق پەن ەسىرتكى تابىلدى

الماتى قالالىق پوليتسيا دەپارتامەنتىنىڭ مالىمەتىنشە، قالاداعى قوناقۇيلەردىڭ بىرىنەن 22 ۇيالى تەلەفون، ءۇش پىشاق جانە ەسىرتكىگە ۇقساس زات سالىنعان بۋما تاركىلەندى.

«جاپپاي تارتىپسىزدىكتەردەن كەيىن ءۇش كۇدىكتى، ونىڭ ىشىندە ءبىر ايەل قوناقۇيدە بولمە جالداپ تۇردى. تابىلعان پىشاقتار 5 جانە 6-قاڭتاردا تونالعان قارۋ-جاراق ساتاتىن دۇكەندەرگە تيەسىلى بولۋى مۇمكىن. سونداي-اق، ءتۇرلى ماركالى 22 ۇيالى تەلەفون دا ەلەكترونيكا دۇكەندەرىنەن ۇرلانعان بولۋى مۇمكىن. سونىمەن قاتار، ۇنتاق تۇرىندەگى، اشىق ءتۇستى جانە ەرەكشە ءيىسى بار زاتى بار پوليەتيلەن بايلامى تابىلدى. ىشىندەگى زاتتاردىڭ تيەسىلىگىن انىقتاۋ ءۇشىن سوت- حيميالىق ساراپتاما تاعايىندالدى»، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

اتالعان دەرەك بويىنشا سوتقا دەيىنگى تەرگەۋ باستالدى.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى