ەسكەرتۋ: الماتىدا قالىڭ تۇمان ءتۇسىپ، كوكتايعاق بولادى

7-اقپان الماتى تاۋلارىندا قالىڭ تۇمان ءتۇسىپ، كوكتايعاق بولادى. وڭتۇستىك- باستىستان جەل سوعىپ، ونىڭ ەكپىنى سەكۋندىنا 15-20 مەترگە جەتپەك. قالالىق توتەنشە جاعدايلار دەپارتامەنتى قار مەن كوكتايعاق كەزىندە كولىكتىڭ ءجۇرىسى ناشارلاپ، جۇرگىزۋشى كولىككە يە بولا الماي، جاياۋ جۇرگىنشىلەردى قاعىپ كەتۋى مۇمكىن ەكەنىن ەسكە سالدى.

وسىعان وراي، الماتى قالالىق ت ج د مىناداي مالىمدەمەسىن جاريا ەتتى:

- كوشەلەردەن تەك جول قوزعالىسى ەرەجەسىمەن بەلگىلەنگەن ورىنداردان عانا ءوتۋ كەرەك؛

- جولدان وتكەن كەزدە، باسقا ىستەرگە (ۇيالى تەلەفونمەن سويلەسۋ جانە ت. ب.) الاڭداماڭىز؛

- الدىڭىزعا، اياقتىڭ استىنا قاراپ ءجۇرىڭىز؛

- اياق كيىمدى دۇرىس تاڭداۋ اۋدارۋ كەرەك. اياق كيىم بۇدىرلى ورنەگى بار، تايعانامايتىن ماتەريالدان جاسالعان، تەگىس تاباندى بولۋى ءتيىس؛

- قولىڭىزدى قالتاڭىزعا سالماڭىز، بۇل مۇزدا تەپە-تەڭدىكتى ساقتاۋعا مۇمكىندىك بەرەدى؛

- ەسىڭىزدە بولسىن، تروتۋارلار، كولىك ايالدامالارى، دۇكەندەرگە كىرەبەرىستەگى باسپالداقتار، ءتىپتى ءۇيدىڭ كىرەبەرىسىنەن دە ادامدار ءجيى قۇلاپ، جاراقاتتانۋى مۇمكىن.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى