بەيجىڭ وليمپياداسىنىڭ الاۋىن جاققان ۇيعىر قىزى كىم
قىسقى وليمپيادا ويىندارىنىڭ اشىلۋ سالتاناتى 4 ى كۇنى كەشكە «قۇس ۇياسىندا» قىتاي ۇلتتىق ستاديونىنىڭ ءوتىپ، سوڭعى الاۋ ەستافەتاسىنا بارلىعى جەتى الاۋ ۇستاۋشى قاتىستى. ولاردىڭ ىشىندە باس الاۋدى جاعۋعا جاۋاپتى سوڭعى قوس الاۋ ۇستاۋشى - شىڭجاڭدىق ۇيعىر سپورتشىسى دينگار يرامجان قىزى مەن قىتاي سپورتشىسى جاو جياۆەن.
قىتاي اقپارات قۇرالدارىنىڭ حابارلاۋىنشا، دينگار يرامجان قىزى بيىل 20-عا ەندى عانا تولسا دا، تاجىريبەلى شاڭعىشى. دينگار يرامجان قىزى شىڭجاڭداعى التاي قالاسىندا تۋىپ- وسكەن. اكەسى يرامجان كەزىندە قىتاي ۇلتتىق جارىسىندا ءۇشىنشى ورىندى جەڭىپ العان شاڭعىشى.
2009 -جىلى يرامجان التايدا 20 ادامنان تۇراتىن جاستار شاڭعى كومانداسىن قۇرسا، ونىڭ قىزى دينگار سولاردىڭ ءبىرى بولدى. كەزىندە حالىقارالىق جارىستاردا مىقتى قارسىلاستارمەن باق سىناۋدى ارمانداعان سپورتشى رەتىندە، يرامجان قىزى دينگارعا بار ءبىلىمىن ۇيرەتتى. ال دينگار دا اكەسىنىڭ ءۇمىتىن اقتادى. 2019 -جىلدىڭ جەلتوقسان ايىندا دينگار نورۆەگيادا وتكەن شاڭعى جارىسىندا جاستار اراسىندا ءبىرىنشى ورىندى يەلەندى.
2021-2022 ماۋسىمىندا جاس سپورتشى FIS شاڭعى جارىسى بويىنشا FIS ۇپايلار سەرياسىندا دا ءبىرقاتار ءبىرىنشى جۇلدەلەردى جەڭىپ الدى. سونىمەن قاتار، ول قىتايدا وتكەن كوپتەگەن وتاندىق جارىستاردا تاماشا ناتيجەلەرگە قول جەتكىزدى. دينعاردىڭ ۇيىندە ونىڭ ءارتۇرلى ءىس- شارالاردا جەڭىپ العان مەدالدارى ەڭ كورنەكتى ورىنعا قويىلعان، ونى وتباسى ماقتان تۇتادى.
بيىلعى قىسقى وليمپيادا ويىندارىندا قىتاي اتىنان شاڭعى جارىسىندا دينگار يرامجان قىزى ونەر كورسەتەدى. جاس ۇيعىر سپورتشىسى وليمپيادادا جاقسى ناتيجە كۇتەتىنىن ايتتى.
اۆتور: مۇحتار مۇرات
