بۇگىن «مۇقاعالي. بۇل عاسىردان ەمەسپىن» تەلەحيكاياسى ەفيرگە شىعادى

تەلەارنا مالىمەتىنشە، 4 ءبولىمدى تەلەحيكايا مۇقاعالي ماقاتايەۆتىڭ ءومىرىنىڭ سوڭعى جىلدارى - 1973 -جىلدان 1976 -جىلعا دەيىنگى كەزەڭىنە ارنالعان جانە وسى ۋاقىت ارالىعىنداعى اقىن ومىرىنە بەتبۇرىس اكەلگەن ءىرى وقيعالار قامتىلادى. تۋىندىدا قالامگەر تاعدىرىنىڭ قيىن-قىستاۋ كەزەڭىندە شىعارماشىلىعىن مويىنداپ، جانىنان تابىلعان ۇلت تۇلعالارى - باۋىرجان مومىش ۇلى، اسقار سۇلەيمەنوۆ، توقاش بەردياروۆ، نۇرعيسا تىلەنديەۆ، فاريزا وڭعارسىنوۆانىڭ بەينەلەرى بار. باستى ءرولدى بەلگىلى اكتەر ازامات ساتىبالدى، جارى لاشىن ءازىمجانوۆانىڭ ءرولىن اقبوتا قايماقبايەۆا، باۋىرجان مومىش ۇلىن باقىتجان الپەيىس، نۇرعيسا تىلەنديەۆتىڭ ءرولىن باقىت بەدەلحان، اسقار سۇلەيمەنوۆتى ماقسات ءسابيتوۆ، دوسى توقاش بەردياروۆتىڭ ءرولىن رۇستەم جانىامانوۆ، فاريزا وڭعارسىنوۆانىڭ ءرولىن اجارلىم ماعزۇم وينايدى. تەلەحيكايا رەجيسسەرى - دارحان ساركەنوۆ، سەناري اۆتورى - قانات رامازان.

«تەلەحيكايانىڭ ءار بولىمىندە اقىننىڭ جان- دۇنيەسىنە توڭكەرىس اكەلگەن نەگىزگى تىلسىم وقيعالاردى وتكەن عاسىردىڭ جەتپىسىنشى جىلدارىنىڭ كەلبەتىمەن كورسەتەمىز. تەلەحيكايانى كورە وتىرىپ، كورەرەمەن «قازاق پوەزياسىنىڭ مۇزبالاعى» اتانعان اقىننىڭ قاي عاسىردا بولسىن ءىزى وشپەيتىنى، ونى ۋاقىت وتكەن سايىن وزگەشە زەرتتەي بەرەتىنىمىزدى تۇسىنەدى. تەلەحيكايا مۇقاعالي ماقاتايەۆتىڭ بۇگىنگە دەيىن جۇمباق بولىپ كەلگەن قۇپيالارىنا ءۇڭىلۋ ارقىلى مۇقاعالي فەنومەنىنىڭ وزگەشە تۇستارىن اشۋدى ماقسات تۇتادى»، - دەيدى سەناري اۆتورى ق. رامازان. تەلەحيكايانىڭ ءتۇسىرىلىم جۇمىستارى الماتى قالاسى مەن الماتى وبلىسىندا ءوتتى.

«مۇقاعالي. بۇل عاسىردان ەمەسپىن» تاريحي تەلەحيكاياسى «Qazaqstan» تەلەارناسىنان 5، 6 -اقپان كۇندەرى ساعات 20:50-دە ەفيرگە شىعادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى