جەلىدە قاڭتارداعى وقيعالار كەزىندە تۇسىرىلگەن جاڭا ۆيدەو تارادى

كادردا بۇزاقىلاردىڭ اۆتوموبيل تروسى ارقىلى دۇكەندەردىڭ ەسىگى مەن تەرەزەسىن بۇزىپ، ساۋدا ورتالىعىنا كىرىپ جاتقانى بەينەلەنگەن. سونداي-اق، زەرگەرلىك جانە باسقا دا بولىمدەردى قيراتىپ جاتقانى ءتۇسىپ قالعان.

ايتا كەتەيىك، ءى ءى م- دەگى قاڭتارداعى وقيعالارعا قاتىستى وندىرىستەگى ىستەردىڭ باسىم بولىگىن ۇرلىق پەن توناۋ قۇرايدى. وسى ىسكە قاتىسى بارلاردى ۆيدەوكامەرالارعا تالداۋ جاساۋ ارقىلى انىقتاپ جاتىر.

ەسكە سالايىق، 1-قاڭتاردا ماڭعىستاۋ وبلىسى جاڭاوزەن قالاسىندا ساعات 17:20-دا قالا اكىمدىگىنىڭ الدىندا تۇرعىندار جينالدى. ولار ەل باسشىلىعىنا ۆيدەوۇندەۋ جاساپ، سۇيىلتىلعان گاز باعاسىن ءتۇسىرۋدى سۇرادى. سول كۇنى ساعات 18:00-دە ادامدار تارادى. سودان كەيىن 2-قاڭتاردا نارازىلىق بىلدىرۋشىلەر سانى بىرنەشە جۇزدەگەن ادامعا ارتتى، ال اكسياعا قاتىسۋشىلار ىشكى جولدى جاپتى. قۇقىق قورعاۋ ورگاندارى كۇش قولدانعان جوق.

3-قاڭتاردان باستاپ نارازىلىق بىلدىرۋشىلەر باسقا قالالاردا جانە وڭىرلەردە شىعا باستادى. سول كۇنى ماڭعىستاۋ وبلىسىنىڭ تۇرعىندارىن قولداۋ ماقساتىندا باسقا جەتى وڭىردە - اتىراۋ، اقتوبە وبلىستارى، نۇر-سۇلتان، الماتى قالالارى، ب ق و، الماتى وبلىسى مەن ش ق و- دا «بەيبىت» ميتينگتەر باستالدى. 4-قاڭتاردا ميتينگىلەر جالعاستى، ال وعان قولداۋ بىلدىرگەن وڭىرلەر سانى 11-گە جەتتى. قاتىسۋشىلار سانى 37 مىڭ ادامعا دەيىن ءوستى. الماتى مەن شىمكەنتتە قارۋلى شابۋىلدار جاسالدى.

اۆتور: اقبوپە ءابدراسۋل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى