الماتى اكىمى ەربولات دوسايەۆ حالىقارالىق اۋەجايدىڭ ينۆەستورلارىمەن كەزدەستى
ەربولات دوسايەۆ الماتى حالىقارالىق اۋەجايى - قالانىڭ ۆيزيت كارتوچكاسى ەكەنىن جانە ونى حالىقارالىق ستاندارتتارعا سايكەستەندىرۋ مەگاپوليس ەكونوميكاسىنا مۋلتيپليكاتيۆتى اسەر بەرەتىنىن اتاپ ءوتتى. بۇدان بولەك، اۋەجايدى جاڭعىرتۋ مەگاپوليستىڭ تۋريستىك الەۋەتىن دامىتۋدى كۇشەيتەدى، ونىڭ ينۆەستيتسيالىق تارتىمدىلىعىن جانە الماتى تۇرعىندارى مەن قوناقتارى ءۇشىن ىڭعايلىلىق دەڭگەيىن ارتتىرادى.
ەربولات دوسايەۆ قالا بيلىگىنىڭ جوبانى قولداۋعا جانە نىساندى بەلگىلەنگەن مەرزىمدە تاپسىرۋ ءۇشىن پروبلەمالار مەن ماسەلەلەردى شەشۋگە ىقپال ەتۋگە دايىن ەكەنىن اتاپ ءوتتى.
سونىمەن بىرگە، مەگاپوليس باسشىسى قوعامدىق كەڭەس مۇشەلەرىمەن الماتىنى دامىتۋ ماسەلەلەرىن، سونداي- اق الەۋمەتتىك ماڭىزى بار پروبلەمالاردى شەشۋدىڭ تيىمدىلىگىن ارتتىرۋ ماقساتىندا الداعى ءوزارا ءىس- قيمىلدى تالقىلادى. كەزدەسۋدە اۋانىڭ جوعارى لاستانۋى، كولىك جولايرىقتارى، مەكتەپ ورىندارىنىڭ تاپشىلىعى، اگلومەراتسيا، جەردى يگەرۋ، قالانىڭ باس جوسپارىنا تۇزەتۋلەر ەنگىزۋ جانە ت. ب. تاقىرىپتار كوتەرىلدى. الماتى قوعامدىق كەڭەسىنىڭ مۇشەلەرى اكىمگە مەگاپوليستى ودان ءارى دامىتۋعا قاتىستى ءوز ۇسىنىستارىن ايتتى.
«سۇراقتار كوپ، ولاردىڭ بارلىعى شىنىمەن دە ماڭىزدى، ءبىراق جۇيەلى ءارى جوسپارلى ارەكەت ەتۋ كەرەك. اكىمدىك ورتا شۇعىل پەرسپەكتيۆادا قالانى دامىتۋدا كەشەندى تاسىلگە سۇيەنەتىن بولادى»، - دەدى الماتى اكىمى. كەزدەسۋ قورىتىندىسى بويىنشا وسىنداي تالقىلاۋلاردى تۇراقتى نەگىزدە وتكىزۋ تۋرالى شەشىم قابىلداندى.
اۆتور: دۋمان ارعىنگەلدى
