باعا بويىنشا ءسوز بايلاسقان كاسىپكەرلىك نىسانداردى تەكسەرۋگە رۇقسات بەرەتىن پرەزيدەنت جارلىعى شىقتى

«قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» ق ر پرەزيدەنتىنىڭ 2019 -جىلعى 26 - جەلتوقسانداعى № 229 جارلىعىنا مىناداي تولىقتىرۋ ەنگىزىلسىن»، - دەپ جازىلعان جارلىقتا.

اتاپ ايقاندا، قۇجاتتىڭ 1-تارماعى 13) تارماقشامەن تولىقتىرىلىپ وتىر. بۇل تارماقتا شاعىن كاسىپكەرلىك سۋبەكتىلەرىن، ونىڭ ىشىندە ميكروكاسىپكەرلىك سۋبەكتىلەرىن تەكسەرۋلەردى جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە جاريالانعان موراتوريدىڭ كۇشى جۇرمەيتىن جاعدايلاردىڭ تىزبەسى بەرىلگەن.

وسى تىزبەگە 13) تارماقشا ارقىلى «ارەكەتتەرىندە كارتەل بەلگىلەرى بايقالاتىن مەملەكەتتىك ساتىپ الۋعا قاتىسۋشىلارعا قاتىستى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسى تالاپتارىنىڭ ساقتالۋىن تەكسەرۋلەر» كىرىپ وتىر. قۇجاتتىڭ تولىق ءماتىنىن مىنا جەردەن كورۋگە بولادى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى