شىمكەنت اۋەجايى ساتىلىمعا شىقتى

شىمكەنت قالاسىنىڭ جولاۋشىلار كولىگى جانە اۆتوجولدار ءبولىمىنىڭ تەڭگەرىمىندەگى شىمكەنت اۋەجايى ساتىلىمعا شىقتى.

اۋەجاي سەنىمگەرلىك باسقارۋعا ارنالعان تەندەر بويىنشا ساتىپ الۋ قۇقىعىمەن بەرىلمەك.

باستاپقى باعاسى - 5695225000,00 تەڭگە. قازىر قۇجات قابىلداۋ باستالدى. ساتىلىم 9- اقپان كۇنى ساعات 10:00 دە وتەدى.

تەندەر شارتتارىنا سايكەس ساتىپ الۋشى:

- اۋەجايدى سەنىمگەرلىك باسقارۋ كەزەڭىندە اۋەجاي قىزمەتىنىڭ بەيىنىن ساقتاۋعا؛

- سەنىمگەرلىك باسقارۋ كەزەڭىندە اۋەجايدىڭ تەحنيكالىق جاي-كۇيىن جاقسارتۋعا (وندىرىستىك ءۇي-جايلاردى قاڭعىرتۋ، پەررون جابىندىسىن رەكونسترۋكتسيالاۋ، تەحنيكالاردى جاڭعىرتۋ) جانە اۋەجايدىڭ ينفراقۇرىلىمىن ازاماتتىق اۆياتسيا سالاسىنداعى قازىرگى زامانعى ستاندارتتارعا كەلتىرۋ ماقساتىندا جاڭعىرتۋعا؛

- زاڭناما تالاپتارىنا سايكەس، سەنىمگەرلىك باسقارۋ شارتى زاڭدى كۇشىنە ەنگەن كۇننەن باستاپ جولاۋشىلار اعىنىن ۇلعايتۋ جانە ۇشۋ گەوگرافياسىن كەڭەيتۋ ماقساتىندا، ياعني پەرروندى قايتا قۇرۋ جانە جاڭا جولاۋشىلار تەرمينالىن پايدالانۋعا بەرۋ ءۇشىن كاداسترلىك 22-327-023-029№ جەر ۋچاسكەسىن (اۋدانى 6 گ ا جەر ۋچاسكەسى (پەرون) ) يەلىكتەن شىعارۋ بويىنشا جۇمىستاردى ۇيىمداستىرۋعا - اۋەجايدىڭ جارامدىلىق سەرتيفيكاتىن ۇستاپ تۇرۋ جانە ۇشۋ قاۋىپسىزدىگىن قامتاماسىز ەتۋ ءۇشىن سەرتيفيكاتتاۋ تالاپتارىن قامتاماسىز ەتۋگە (جارامدىلىق سەرتيفيكاتىن ۇسىنۋ)؛

- جۇمىس ورىندار سانىن ساقتاۋ جانە قاجەت بولعان جاعدايدا جاڭا جۇمىس ورىندارىن اشۋعا؛

- اۋەجايدان مارشرۋتتىق جەلىنى دامىتۋ ارقىلى اۋەجاي كورسەتەتىن جۇمىستار مەن كورسەتەتىن قىزمەتتەردىڭ كولەمىن ۇلعايتۋعا؛

- تابيعات قورعاۋ ءىس-شارالارىن جۇرگىزۋگە؛

- اۆياتسيا پەرسونالىنىڭ بىلىكتىلىگىن ارتتىرۋعا، ولاردى وقىتۋعا، قايتا دايارلاۋعا؛

- وبەكتىنىڭ كوممۋنالدىق قىزمەتتەرىمەن كەلىسىم-شارتتاردى جاساسۋدى قامتاماسىز ەتۋگە (سۋ، گاز، ەلەكتر قۋاتىمەن قامتاماسىز ەتۋ، قاتتى تۇرمىستىق قالدىقتاردى شىعارۋ جانە ت. ب.) مىندەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى