نۇر-سۇلتاندا ەكىنشى يندۋستريالىق پارك سالىنادى

بۇل تۋرالى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ازامات ابدۋاليەۆ ايتتى، دەپ حابارلايدى قازاقپارات.

«قازىرگى ۋاقىتتا ءبىرىنشى پاركتىڭ %100 تولعانىن ەسكەرە وتىرىپ، 2№ يندۋستريالىق پارك قۇرۋ تۋرالى شەشىم قابىلداندى. وسى ماسەلە بويىنشا الدىن الا جوسپار ازىرلەندى. ونى دايىنداۋعا سينگاپۋرلىق JURONG ءىرى كومپانياسى تارتىلدى»، - دەدى ا. ابدۋاليەۆ قالالىق ءماسليحاتتاعى ەسەپ بەرۋ كەزدەسۋىندە.

ونىڭ ايتۋىنشا، ەكىنشى پارك اۋماعىندا 500 ميلليارد تەڭگەگە 150 گە جۋىق جاڭا ينۆەستيتسيالىق جوبانى تارتۋ جوسپارلانىپ وتىر.

ينفراقۇرىلىم قۇنى باستاپقىدا 143 ميلليارد تەڭگە بولعان. ءبىراق تەحنيكالىق-ەكونوميكالىق نەگىزدەمەنى تۇزەتكەن سوڭ، جوبا قۇنىن 88 ميلليارد تەڭگەگە دەيىن تومەندەتۋ جوسپارلانعان.

«بۇل ينفراقۇرىلىم بىزدە 9 ىسكە قوسۋ كەشەنى بار 3 كەزەككە بولىنگەن (...) ءبىرىنشى كەزەكتەگى ءبىرىنشى ىسكە قوسۋ كەشەنىنىڭ قۇرىلىسىن 2023-جىلى باستاۋ جوسپارلانۋدا»، - دەدى ازامات ابدۋاليەۆ.

پاركتىڭ جالپى اۋدانى - 433 گەكتار، قۇرىلىس جۇمىستارى 2030-جىلعا دەيىن سوزىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى