الماتىدا تۇندە دۇكەن توناعاندار ۆيدەوعا ءتۇسىپ قالدى
دۇكەن پانفيلوۆ پەن مامەتوۆا كوشەلەرىنىڭ قيىلىسىندا ورنالاسقان. ونى توناعاندار بەينەباقىلاۋ كامەراسىنا ءتۇسىپ قالدى. بەينەجازبادان ەكى جىگىتتىڭ الدىمەن ەسىكتى جۇلقىلاپ، كەيىن اينەگىن سىندىرىپ، ىشكە كىرگەنىن كورۋگە بولادى.
«ۇرلىق ورىن العانى تۋرالى قوڭىراۋ كەلىپ ءتۇستى. المالى اۋداندىق پوليتسيا باسقارماسىنىڭ جەدەل- تەرگەۋ توبى وقيعا ورنىنا اتتانىپ، العاشقى ماتەريالدار جينالدى، وقيعا ورنى ءجىتى تەكسەرىلىپ، زەرتتەلدى. اتالعان فاكتى ق ر ق ك 188-بابى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىندە تىركەلدى. كۇدىكتىلەردى ۇستاۋ - ۋاقىت ەنشىسىندە»، - دەيدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
اۆتور: الما مۇقانوۆا
