كوروناۆيرۋس وكپەگە ەنۋ قابىلەتىن جوعالتتى - دارىگەر
بۇل تۋرالى ريا نوۆوستيگە بەرگەن سۇحباتىندا روسپوترەبنادزور باسشىسى، ەپيدەميولوگ اننا پوپوۆا ايتتى، - دەپ حابارلايدى Tengrinews.kz ءتىلشىسى.
«ۆيرۋس ۇنەمى وزگەرىپ وتىرادى، بۇل ونىڭ قاسيەتى . ول ادام اعزاسىنا بەيىمدەلەتىن ەڭ جاقسى ءپىشىندى ىزدەيدى. ەڭ دۇرىس ءپىشىندى، ەڭ دۇرىس امينقىشقىل قۇرامىن ىزدەۋ جولىندا ۆيرۋس ءوزىنىڭ وكپە تىنىنە ەنۋ قابىلەتىن قامتاماسىز ەتەتىن رەتسەپتورلاردىڭ ءبىرىن جوعالتتى»، - دەدى رەسەيدىڭ باس سانيتاريا دارىگەرى.
ول وميكرون، نەگىزىنەن جوعارعى تىنىس جولدارىندا قالىپ، تراحەيت، سونداي-اق بالالاردا برونحيت اۋرۋىن تۋدىراتىنىن ءتۇسىندىردى.
ول بۇرىن بايقالعانداي اۋىر اۋرۋدى تۋعىزبايدى. دەگەنمەن، كەيىن قانداي اسقىنۋلار بولاتىنىن ءبىلۋ كەرەك - ونىڭ پايدا بولعانىنا از ۋاقىت ءوتتى، دەپ ەسكەرتتى ول.
«بۇرىنعى نۇسقالار ۇزاق مەرزىمدى اسقىنۋلار تۋدىرعانىن كوردىك، ءارتۇرلى. سوندىقتان بۇگىنگى باستى مىندەت - اۋىرماۋ، ول ءۇشىن ءبارىن جاساۋ»، - دەدى پوپوۆا.
