تەمىرتاۋلىق كاسىپكەر ساڭىراۋقۇلاق ءوسىرىپ، تابىسقا كەنەلۋدە
كاسىپكەر ايەل باستاپقىدا ءوزىنىڭ تابىسىنا سەنىپ، شاعىن كاسىپكەرلىكتى قولداۋ باعدارلاماسىنا قاتىسۋعا شەشىم قابىلدادى، دەپ حابارلايدى قازاقپارات ءتىلشىسى.
اۋىل شارۋاشىلىعىن دامىتۋ باسىم باعىت بولىپ تابىلادى. ساڭىراۋقۇلاق فەرماسىن دامىتۋ يدەياسىنا گرانتتاردى ءبولۋ جونىندەگى كوميسسيا وڭ باعا بەردى.
«بۇرىننان بيزنەسپەن اينالىسقىم كەلدى، ءبىراق قاراجات قاجەت بولدى. ساڭىراۋقۇلاق وسىرۋگە قىزىعۋشىلىق تانىتتىم. ينتەرنەتتەگى كوپتەگەن ماقالالاردى زەردەلەپ، قاراعاندى مەن تەمىرتاۋ نارىعىن زەرتتەدىم. بيزنەس- جوبانى جاساعان كەزدە، بۇل ءتيىمدى بيزنەس ەكەنى بەلگىلى بولدى. وتەۋ مەرزىمى وتە قىسقا. ميلليون تەڭگەگە گرانتتى وسىنداي قاسيەتتەرگە بايلانىستى ۇتىپ الدىم دەپ ويلايمىن. جۇمىسىما جۇبايىم تىلەگەن كومەكتەسەدى. ءبىزدىڭ بيزنەسىمىز وتباسىلىق»، - دەيدى رايىمگۇل بازاربەك.
كاسىپكەر شامپينون وسىرۋمەن اينالىسادى. ونىڭ ايتۋىنشا، بۇل وتە كۇردەلى ساڭىراۋقۇلاق. ينتەرنەتتەگى اقپارات، ارينە، پايدالى بولدى، ءبىراق وسى باعىتتا ارنايى وقىعان.
«الماتىدا اگرارلىق سالانىڭ كورمەسى وتكەن كەزدە، ول شاراعا تۋلاداعى كومپانيا وكىلدەرى قاتىسقان بولاتىن. سودان كەيىن ولار ماعان كەلدى. تەحنولوگيالىق پروتسەستى رەتتەۋگە، رەسەيدەن شيكىزات تابۋعا كومەكتەستى. ولار نولدەن باستاپ العاشقى ءونىم الۋعا دەيىن قولداۋ كورسەتتى دەپ ايتا الامىن»، - دەيدى كاسىپكەر.
جالعا الىنعان ءۇي- جايدا ەرلى- زايىپتىلار بەس توننا ساڭىراۋقۇلاق وتىرعىزدى. العاشقى ءونىم 33 كۇننەن كەيىن جينالدى. تاجىريبەلى كاسىپقويلاردىڭ ءوزى تەمىرتاۋلىق بيزنەسمەنگە از ۋاقىت قاجەت بولعانىنا تاڭ قالدى. ادەتتە ساڭىراۋقۇلاقتار 45 كۇن وسەدى. ساتۋعا كەلەتىن بولساق، ونىمدەردى كوكونىس پاۆيلوندارى، مەيرامحانالار مەن كافەلەر قابىلدايدى. العاشقى اينالىمنان تۇسكەن قاراجاتقا ساڭىراۋقۇلاق ءوسىرۋشى ەكىنشى كامەرانى 10 تونناعا جابدىقتاماقشى.
اۆتور: اگاتا مۋحامەدجانوۆا
