اۆتوموبيل جانە تەحنيكاعا ۋتيل الىمنىڭ جاڭا مولشەرى قاشان بەكىتىلەدى
«يندۋستريا مينيسترلىگى وسى ستاۆكالار بويىنشا بىزگە وزدەرىنىڭ ەسەپتەۋلەرى مەن كوەففيتسيەنتتەرىن ۇسىنۋى كەرەك. قوعامداستىقپەن كەلىسىلگەننەن كەيىن، ءبىز ونى بەكىتەمىز. قازىرگى كەزدە «جاسىل دامۋ» ا ق بويىنشا وندىرۋشىلەردىڭ كەڭەيتىلگەن مىندەتتەرى تولىقتاي قىزمەت ەتىپ تۇر. سەرۆەرلەر ىسكە قوسىلدى»، - دەدى س. برەكەشەۆ ءماجىلىستىڭ جالپى وتىرىسىندا دەپۋتاتتار ساۋالىنا جاۋاپ بەرە وتىرىپ.
ونىڭ ايتۋىنشا، بۇگىندە ۋتيل تولەمدەر قابىلدانىپ جاتىر. مينيسترلىكتە زاڭگەرلىك بلوك، سيفرلىق تەحنولوگيا دەپارتامەنتى، بيۋدجەتتىك جوسپارلاۋ وكىلدەرىنەن قۇرالعان كوميسسيا قۇرىلدى.
«ولار «و ك م وپەراتورى» ج ش س-نىڭ قىزمەتىنە سايكەس قاراجاتتىڭ كىرىستەر مەن شىعىستاردى قاراپ جاتىر. قازىرگى كەزدە ەكىنشى دەڭگەيلى بانكتەر شوتتارىندا 220 ميلليارد تەڭگە بار، ءبىر بولىگى ۇلتتىق ۆاليۋتادا بولسا، قالعان بولىگى دوللارمەن. ءتيىستى جۇمىستار جۇرگىزىلىپ جاتىر، جاقىن ارادا اۆتوموبيل جانە اۋىل شارۋاشىلىعى تەحنيكاسىنا ۋتيل الىم ستاۆكاسىن بەكىتەمىز»، - دەدى ۆەدومستۆو باسشىسى.
اۆتور: رۋسلان عابباسوۆ
