توقايەۆ: قارجىنى باقىلاۋعا ءتيىس ورگانداردىڭ جالعان شاعىم ۇيىمداستىرۋدان قولى بوساماي ءجۇر
«قارجىنى باقىلاۋ ورگاندارىنداعى جەمقورلىق تا جاعدايدى قيىنداتىپ وتىر. سىبايلاس جەمقورلىققا قارسى قىزمەت ىشكى مەملەكەتتىك اۋديت ماماندارىنىڭ ءۇرلى شاعىمداردى قولدان ۇيىمداستىرعان فاكتىلەرىن انىقتادى. سونىڭ نەگىزىندە پايداكۇنەمدىك ماقساتپەن تەكسەرۋلەر جۇرگىزىپ وتىرعان»، - دەدى بۇگىنگى سىبايلاس جەمقورلىققا قارسى ءىس-قيمىل جونىندەگى كەڭەستە مەملەكەت باشىسى.
قاسىم-جومارت توقايەۆ بيۋجەت قاراجاتىنىڭ ورىندى جۇمسالۋىن قاداعالاۋى ءتيىس مەكەمەنىڭ وزدەرى قولدان ۇيىمداستىرعان شاعىمداردى قاراۋدان قولى تيمەيتىنىن سىنادى.
«بىلتىر ءبىر عانا جاۋاپكەرشىلىگى شەكتەۋلى سەرىكتەستىكتەن وسى مازمۇنداعى 1600 شاعىم تۇسكەن. ونىڭ 900 ءى راستالدى. وسىدا كەيىن، ارينە، ناقتى شاعىمدار ەلەنبەي قالادى. سوندىقتان ۇكىمەت سىبايلاس جەمقورلىققا قارسى ءىس-قيمىل جانە قارجى مونيتورينگى اگەنتتىكتەرىمەن بىرلەسىپ، وسى سالاداعى مەملەكەتتىك باقىلاۋ جۇيەسىن قوسا العاندا، مەملەكەت پەن كۆازيمەملەكەتتىك سەكتوردىڭ ساتىپ الۋىن رەتتەۋ تاسىلدەرىن تۇبەگەيلى وزگەرتۋى كەرەك»، - دەدى پرەزيدەنت.
