قازاقستان رەسەيدەگى اياق كيىمدى تاڭبالاۋ كودتارىن ءوزارا تاني باستادى
2022-جىلعى 1- اقپاننان باستاپ كۇشىنە ەنەتىن ق ر مەن ر ف اراسىندا تاڭبالاۋ كودتارىن ءوزارا تانۋدىڭ ۋاقىتشا سۇلباسى ىسكە اسىرىلدى.
بۇل رەسەيلىك اياق كيىمنىڭ قازاقستاندىق يمپورتتاۋشىلارى ر ف- دا تاڭبالانعان ءونىمدى ساتىپ الا الادى جانە بۇل رەتتە ونى ق ر- عا اكەلۋ الدىندا قايتا تاڭباي الادى دەگەندى بىلدىرەدى.
وسىعان ۇقساس سۇلبا ق ر- دان ر ف- عا جەتكىزىلەتىن اياق كيىمگە دە قولدانىلاتىن بولادى.
2022-جىلعى ساۋىردەن باستاپ قازاقستان، رەسەي جانە بەلارۋس اياق كيىم تاۋارلارىن تاڭبالاۋ كودتارىن ءوزارا تانۋعا قول جەتكىزۋ جوسپارلانىپ وتىر.
نارىققا ىڭعايلى بولۋ ءۇشىن تاراپتار ق ر مەن ر ف اراسىندا تاڭبالاۋ كودتارىن تانۋدىڭ ۋاقىتشا سۇلباسى تۋرالى كەلىسىمگە قول جەتكىزدى، تاڭبالاۋ وپەراتورلارى دەرەكتەر الماسۋدى جولعا قويۋ بويىنشا ۇنەمى جۇمىس جۇرگىزۋدە.
تولىق نۇسقاۋلىق مىنا سايتتا ورنالاسقان.
ايتا كەتسەك، قازاقستاندا اياق كيىم تاۋارلارىن مىندەتتى سيفرلىق تاڭبالاۋ جانە باقىلاۋ 2021-جىلدىڭ 1- قاراشاسىنان باستاپ ەنگىزىلدى. رەسەيدە اياق كيىم مىندەتتى تۇردە 2020-جىلدىڭ 1- شىلدەسىنەن باستاپ، ال بەلارۋستە 2021-جىلدىڭ 1- قاراشاسىنان باستاپ بەلگىلەنەدى.
