ەلوردادا اۆتوبۋستاعى قالتا ۇرىلارىنىڭ ارەكەتى ۆيدەوعا ءتۇسىپ قالعان
ءتارتىپ ساقشىلارى ءۇش كۇدىكتىنى ءىزىن سۋىتپاي ۇستادى. ولار - جاستار، ەڭ ۇلكەنى - 23 جاستاعى قىز، ال كىشىسى - 20 جاستا.
«ۇستالعاندار - قاراعاندىنىڭ تۇرعىندارى، بۇرىن بىرنەشە رەت سوتتالعان. ولار ەلورداعا وڭاي پايدا تابۋ ءۇشىن كەلدى. ەلوردادا ءبىر كۇندە قالتا ۇرلىعىنىڭ ءتورت دەرەگى دالەلدەندى. ولار ءامياندار مەن ۇيالى تەلەفوندار ۇرلاعان. ۇرىلار جولاۋشىسى كوپ اۆتوبۋستاردى نەمەسە ادام كوپ اۆتوبۋس ايالدامالارىن تاڭدادى. كوپشىلىكتىڭ ىشىنە كىرىپ، كۇرتە قالتاسى مەن سومكەلەرگە تۇسكەن»، - دەدى پوليتسيا قىزمەتكەرى.
ۇستالعاندار كىناسىن مويىندادى. قىلمىستىق كودەكستىڭ 188-بابى «ۇرلىق» بويىنشا تەرگەۋ جۇرگىزىلىپ، ولاردىڭ باسقا دا قىلمىستارعا قاتىسى تەكسەرىلىپ جاتىر.
Tengrinews.kz
