اسحات ايماعامبەتوۆ اكىمدەردەن تۇرعىن ءۇي الاپتارىندا ەڭ ءبىرىنشى مەكتەپ سالۋدى سۇرادى

ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا وسى پروبلەمانى كوتەردى، دەپ حابارلايدى قازاقپارات ءتىلشىسى.

«تۇرعىن ءۇي الاپتارىن جوسپارلاۋ كەزىندە كوبىنەسە ءبىلىم بەرۋ وبەكتىلەرىنىڭ قۇرىلىسى ەسكەرىلمەيدى. وسىدان وقۋشى ورىندارىنىڭ جەتىسپەۋشىلىك پروبلەمالارى تۋىندايدى. وسىعان وراي، تۇرعىن ءۇي قۇرىلىسى جۇمىستارىن باستار الدىندا اكىمدىكتەرگە بىرىنشىدەن مەكتەپپەن قامتاماسىز ەتۋدى سۇرايمىن»، - دەدى مينيستر.

ونىڭ ايتۋىنشا، بۇگىنگى تاڭدا 2500 وقۋشىعا ارنالعان مەكتەپتىڭ تيپتىك جوباسى ازىرلەنگەن. ەندى 1500، 2000، 3000 وقۋشىعا ارنالعان مەكتەپتەردىڭ ۇلگىلىك جوبالارىن ازىرلەۋ قاجەت. «سالىناتىن مەكتەپتەردە مامانداندىرىلعان كابينەتتەر، زاماناۋي جابدىقتالعان امبەباپ شەبەرحانالار، كەمىندە ەكى سپورت زالى، كىتاپحانا، مەدياتەكا جانە وقۋ زالدارى بولۋى ءتيىس. بۇل ءۇشىن ءبىز قازىر مەكتەپتەردى جابدىقتاۋعا قويىلاتىن تالاپتاردى كۇشەيتىپ جاتىرمىز»، - دەدى ۆەدومستۆو باسشىسى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى