قازاقستانداعى ەت ەداۋىر قىمبات قالالار اتالدى

2022 -جىلعى قاڭتاردىڭ اياعىندا قازاقستاندا سۇيەكتى سيىر ەتى بولشەك ساۋدادا كەلىسىنە 2236 تەڭگەگە، قوي ەتى 2418 تەڭگەگە، جىلقى ەتى 2603 تەڭگەگە قىمباتتاعان. تاۋىق ەتىنىڭ كەلىسى 1075 تەڭگە.

وڭىرلەر اراسىندا جىل باسىندا ەت باعاسى الماتى مەن نۇر- سۇلتاندا ەداۋىر جوعارى بەلگىلەنگەن. ەلوردادا سيىر ەتىنىڭ ورتاشا باعاسى 2506 تەڭگە، قوي ەتى - 2987 تەڭگە، جىلقى ەتى - 3015 تەڭگە، تاۋىق ەتىنىڭ كەلىسى 1208 تەڭگەگە جەتتى. الماتىدا سيىر ەتى ورتاشا ەسەپپەن 2325 تەڭگە، قوي ەتى 2920، جىلقى ەتى 2939 تەڭگەدەن ساتىلىپ جاتىر.

ساراپشىلاردىڭ ايتۋىنشا، الماتى اكىمدىگى ۋادە ەتكەن كەلىسى 2050 تەڭگە ەت، باق مالىمەتىنشە، ءىس جۇزىندە تابىلماي تۇر. سەبەبى ول سورەلەرگە شىققان كەزدە، بىرنەشە ساعاتتىڭ ىشىندە ساتىلىپ كەتەدى.

بىلتىر ەت پەن قۇس ەتىنىڭ باعاسى، 2020 -جىلعى قاڭتار- جەلتوقسانمەن سالىستىرعاندا 8,6 پايىزعا قىمباتتاعان. ەت بارىنەن بۇرىن ماڭعىستاۋ وبلىسىندا بىردەن 14 پايىزعا قىمباتتاعان. الماتى مەن ەلوردادا ەت پەن قۇس ەتىنىڭ باعاسى تيىسىنشە 8 جانە 8,2 پايىزعا قىمباتتادى، ال ەڭ از ءوسىم قىزىلوردا وبلىسىندا (5,4 پايىزعا) تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى