ءاليحان سمايىلوۆ پەداگوگتەردى الەۋمەتتىك قولداۋ جونىندە تاپسىرما بەردى
«مەملەكەت باسشىسى 2022 -جىلدى بالالار جىلى دەپ جاريالادى. وسىعان وراي بالالاردى ساپالى ءبىلىم بەرۋ ارقىلى جان-جاقتى دامىتاتىن ماڭىزدى ءىس- شارالاردى قاراستىرۋ قاجەت. مەكتەپكە دەيىنگى ءبىلىم بەرۋدە ساپانى باعالاۋ قۇرالدارىن كۇشەيتىپ، بالالاردى ەرتە كەزدەن دامىتۋدىڭ الەمدىك كورسەتكىشتەرىن ەنگىزگەن ءجون»، - دەگەن ۇكىمەت باسشىسى ورتا ءبىلىم بەرۋدە قالا مەن اۋىل مەكتەپتەرىندەگى وقىتۋ ساپاسىن تەڭەستىرىپ، مەكتەپ وقۋشىلارىنىڭ فۋنكسيونالدىق ساۋاتتىلىعىنا، بالانىڭ تۇلعالىق قاسيەتتەرىن قالىپتاستىرۋعا باسا ءمان بەرۋ قاجەتتىگىن اتادى.
«پەداگوگتەردى الەۋمەتتىك قولداۋ باعدارلاماسى اياسىندا اكىمدىكتەر مەن ءبىلىم مينيسترلىگى كادر تاپشى وڭىرلەرگە ۇستازداردى تارتۋ ءۇشىن قوسىمشا اقى تولەۋ، تۇرعىن ۇيمەن قامتاماسىز ەتۋ، كوممۋنالدىق قىزمەتتەرگە وتەماقى تولەۋ جونىندەگى شارالاردى قاراستىرعان ءجون. جاقىن ورنالاسقان مەكتەپتەن تىس ۇيىمداردى تەگىن مەكتەپ ۇيىرمەلەرىن، سپورت سەكتسيالارىن، اۋلا كلۋبتارىن كوبەيتۋ جۇمىسىن جۇرگىزۋ قاجەت. كاسىپتىك- تەحنيكالىق ءبىلىم بەرۋ جۇيەسىن رەفورمالاۋدى جالعاستىرۋ كەرەك. ونىڭ ساپاسىن، تاسىلدەرى مەن ماتەريالدىق- تەحنيكالىق قامتاماسىز ەتىلۋىن تۇبەگەيلى وزگەرتكەن ءجون»، - دەدى ءاليحان سمايىلوۆ.
اۆتور: ەسىمجان ناقتىباي
