ەرلان قوشانوۆ: ەل تاريحىنىڭ دامۋ كەزەڭىنىڭ ەڭ جاۋاپتى كەزىندە تۇرمىز
ەرلان قوشانوۆتىڭ كانديداتۋراسىن ءماجىلىس دەپۋتاتى ەرلان سايروۆ ۇسىندى: «ەرلان جاقان ۇلى ەڭبەك جولىن قاراپايىم تەمىر شەبەرىنەن باستاعان، ەڭبەك ادامىنىڭ مۇددەسىن بىلەدى. زاڭ شىعارۋ سالاسىندا كەشەندى تاجىريبەسى بار، پارلامەنت سەناتىنىڭ دەپۋتاتى بولعان، وكىمەتتىڭ پارلامەنتتەگى وكىلى قىزمەتىن اتقارعان. ايماقتارداعى حالىقتىڭ، ازاماتتاردىڭ الەۋمەتتىك مۇڭ- مۇقتاجىن جاقسى بىلەدى. قاراعاندى وبلىسىنىڭ جەزقازعان وڭىرىندە ەڭبەك ەتكەن، قاراعاندى وبلىسىنىڭ اكىمى قىزمەتىن اتقارعان»، - دەدى.
وتىرىس بارىسىندا ەرلان قوشانوۆ قازاقستان رەسپۋبليكاسى كونستيتۋتسياسى 58-بابىنىڭ 1-تارماعىنا سايكەس قازاقستان رەسپۋبليكاسى پارلامەنتى ءماجىلىسىنىڭ ءتوراعاسى مەملەكەتتىك ءتىلدى ەركىن مەڭگەرگەن ءماجىلىس دەپۋتاتتارىنىڭ اراسىنان پالاتا دەپۋتاتتارى جالپى سانىنىڭ كوپشىلىك داۋسىمەن جاسىرىن داۋىس بەرۋ ارقىلى سايلاندى. دەپۋتاتتار الدىندا ءسوز سويلەگەن ءماجىلىس ءتوراعاسى ەرلان قوشانوۆ ءوز كانديداتۋراسىن قولداپ، سەنىم كورسەتكەن دەپۋتاتتارعا ريزاشىلىعىن ءبىلدىردى. ءومىر جولىمنىڭ ءبىرقاتار ۋاقىتى وسى پارلامەنت قابىرعاسىندا ءوتتى.
سىزدەردىڭ سەنىمدەرىڭىزدىڭ ارقاسىندا، وسى ابىرويلى جۇمىستى بىرگە جالعاستىرامىز دەپ ويلايمىن. پارلامەنت ماجىلىسىنە جەتەكشىلىك ەتۋ بۇل، ارينە، ەرەكشە مارتەبە. بۇل قازاقستان حالقى مەن مەملەكەت باسشىسىنىڭ الدىنداعى زور ۇلكەن جاۋاپكەرشىلىك. بارىمىزگە بەلگىلى، ەل تاريحىنىڭ دامۋ كەزەڭىنىڭ ەڭ جاۋاپتى كەزىندە تۇرمىز. وسى ۋاقىتتا پرەزيدەنتىمىز جان-جاقتى جانە تۇبەگەيلى رەفورمالار ۇسىناتىنىن اتاپ ءوتتى. بۇل رەفورمالاردى ساپالى زاڭدارمەن قامتاماسىز ەتۋ بارلىعىمىزدىڭ، اسىرەسە، ءماجىلىس دەپۋتاتتارىنىڭ ورتاق مىندەتى. ەل مۇددەسى ءۇشىن ادال ەڭبەك ەتەيىك. ءماجىلىستىڭ جۇمىسىن جاڭا دەڭگەيگە كوتەرەيىك، - دەدى ەرلان قوشانوۆ.
