قازاقستاننىڭ اسكەرلەرى جاڭا ۇلگىدەگى ارنايى تەحنيكالارمەن تولىقتى
بۇل تۋرالى قازاقپارات قورعانىس مينيسترلىگىنە سىلتەمە جاساپ حابارلايدى.
رادياتسيالىق، حيميالىق جانە بيولوگيالىق قورعاۋ اسكەرلەرىنىڭ جاراق قۇرامىنا بيولوگيالىق بارلاۋ ماشينالارىنىڭ زاماناۋي كەشەندەرى كەلىپ ءتۇستى.
«قاۋىپسىز ەل» ۇلتتىق جوباسىن ىسكە اسىرۋ اياسىندا قورعانىس مينيسترلىگى قازاقستان اسكەرىن تەحنيكالىق پەن جاۋىنگەرلىك جاراقتاندىرۋ ماسەلەلەرىن پىسىقتاۋدا. وتاندىق ۇلگىدەگى قارۋ-جاراق ازىرلەۋ باسىم باعىت بولىپ تابىلادى.
وتاندىق «و ت س NETWORK» كومپانياسى بيولوگيالىق بارلاۋ كەشەندەرىن ازىرلەپ شىعاردى. ولار اسكەرلەردىڭ قاجەتتىلىكتەرىنە قاراي زياتكەرلىك اقپاراتتىق تەحنولوگيالاردى قولدانا وتىرىپ جوبالاندى.
بيولوگيالىق سيپاتتاعى توتەنشە جاعداي اۋماعىنداعى ارنايى تەحنيكا پاتوگەندەردى انىقتاۋ جانە ولاردى شۇعىل تالداۋ ءۇشىن زەرتحانا جاراعىمەن، جەدەل ءتۇسىرىلىم جۇرگىزۋگە قاجەتتى شولۋ بەينەكامەراسىمەن جابدىقتالعان. gps/گلوناسس تەرمينالىنىڭ بيولوگيالىق زاقىمداۋ ايماقتارىنىڭ دەرەكتەرىن تىركەۋ جانە جەرسەرىكتىك بايلانىس جۇيەسى ارقىلى مالىمەتتەردى جەدەل بەرۋ مۇمكىندىگى بار.
قازىرگى ۋاقىتتا موبيلدىك كەشەندەردى جيناقتاۋ مەن جۇمىسقا قابىلەتتىلىگىن تەكسەرۋ سىناقتارى اياقتالدى.
جەكە قۇرام ولاردى پايدالانۋدى وقىپ-ۇيرەندى. جۋىردا ارنايى جابدىق ماقساتقا سايكەس قولدانۋ ءۇشىن اسكەرلەرگە جىبەرىلەدى.
