جامبىل وبلىسىندا نۇر وتان عيماراتىن ورتەدى دەگەن كۇدىكتى نۇر- سۇلتاننان ۇستالدى

بۇعان دەيىن ق ر ىشكى ىستەر مينيسترلىگى 19- قاڭتاردا توتەنشە جاعداي رەجيمى جويىلعان سوڭ، ەلىمىزدىڭ بارلىق وڭىرلەرىندە «قۇقىقتىق ءتارتىپ» جەدەل الدىن الۋ شاراسى وتەتىنىن جاريالاعان ەدى. اتالعان شارانى وتكىزۋ كەزەڭىندە 4 مىڭنان استام قىلمىس تىركەلگەن، ونىڭ ىشىندە 300-دەن استامى قوعامدىق ورىندا جانە 80- كوشەلەردە جاسالعان.

«اسىرەسە ەڭ كوپ قىلمىس شىعىس قازاقستان، الماتى، قاراعاندى وبلىستارىندا، الماتى جانە شىمكەنت قالالارىندا جاسالعان. 2700-دەن استام قىلمىس «ءىزىن سۋىتپاي» اشىلدى»، - دەدى ق ر اكىمشىلىك پوليتسيا كوميتەتىنىڭ باسقارما باستىعى باعلانبەك ايتپايەۆ مينيسترلىكتە وتكەن بريفينگتە.

مىسالى، سپيكەردىڭ ايتۋىنشا، 19- قاڭتاردا اقتوبەدە پوليتسيا قىزمەتكەرلەرى بۇرىن سوتتالعان ەكى ازاماتتى «ءىزىن سۋىتپاي» ۇستادى. ولار تۇندە مەديتسينالىق بەتپەردە كيىپ «Qazaq Oil» جانارماي قۇيۋ ستانسياسىنا بارىپ، جانارماي قۇيۋشى مەن كاسسيردى پىشاقپەن جانە بالعامەن قورقىتقان جانە 100 مىڭ تەڭگەدەن استام اقشا مەن ۇيالى تەلەفوندى الىپ كەتكەن.

21- قاڭتاردا ش ق و ءۇرجار اۋدانى باقتى اۋىلىنىڭ شەتىندە كارابينمەن جەكە كاسىپكەردى اتىپ ولتىرگەن تۇرعىن ۇستالدى. ميينسترلىك وكىلى حابارلاعانداي، بۇرىن جاسالعان 700-دەن استام قىلمىس، ونىڭ ىشىندە اۋىر جانە اسا اۋىر قىلمىستار دا اشىلعان. ىزدەۋدە جۇرگەن 107 قىلمىسكەر ۇستالعان.

«ماسەلەن، جاپپاي تارتىپسىزدىككە قاتىسقان سونداي- اق قىزمەتكەرلەر مەن اسكەري قىزمەتشىلەرگە قارسى قىلمىس قۇرالى بولعان مەتالل ارماتۋرا تاراتقان الماتى قالاسى مەن الماتى وبلىسىنىڭ التى تۇرعىنى ۇستالىپ، ۋاقىتشا ۇستاۋ يزولياتورىنا قامالدى. نۇر- سۇلتاندا مەملەكەتارالىق ىزدەۋدە جۇرگەن جامبىل وبلىسىنىڭ تۇرعىنى، 5- قاڭتاردا جامبىل وبلىسى شۋ اۋدانى تولە بي كەنتىندە Nur Otan پارتياسىنىڭ اكىمشىلىك عيماراتىن ورتەۋگە قاتىسقان ازامات ۇستالدى»، - دەدى باعلانبەك ايتپايەۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى