بەيجىڭ بيلىگى قالادا وليمپيادا قارساڭىندا كوروناۆيرۋستىڭ ءورشي تۇسكەنىن مالىمدەدى

مۇندا كوروناۆيرۋس جۇقتىرۋدىڭ سوڭعى 18 ايداعى ەڭ جوعارعى كورسەتكىشى تىركەلگەن.

ەل استاناسىندا تاعى 20 ۆيرۋس جۇقتىرۋ جاعدايى تىركەلگەن سوڭ، رەسمي وكىلدەر بىرنەشە اۋداننىڭ لوكداۋنعا جابىلاتىنىن مالىمدەدى. سونىمەن قاتار قالا تۇرعىندارى مىندەتتى تۇردە تەكسەرىستەن ءوتۋى قاجەت. ۇلتتىق دەنساۋلىق ساقتاۋ كوميتەتىنىڭ مالىمەتىنشە، ۆيرۋس جۇقتىرۋدىڭ ەڭ كوپ دەرەگى سوڭعى رەت 2020 -جىلدىڭ ماۋسىم ايىندا تىركەلگەن.

وليمپيادا ۇيىمداستىرۋشىلارى سپورتشىلار مەن قىزمەتكەرلەر اراسىندا جاڭا 34 اۋرۋ جۇقتىرۋ دەرەگى تۋرالى ايتقان. ولاردىڭ 13 ى سپورتشىلار نەمەسە كوماندالاردىڭ رەسمي وكىلدەرى. ولار بەيجىڭ اۋەجايىندا كەلىسىمەن پ ت ر-تەست تاپسىرعان.

دەنساۋلىق ساقتاۋ كوميتەتىندە ەل بويىنشا جاڭا 54 ۆيرۋس جۇقتىرۋ دەرەگى جايلى حابارلاعان.

قىسقى وليمپياداعا اتتانعان قازاقستان قۇراماسىنان COVID-19 جۇقتىرعاندار انىقتالمادى.

ايتا كەتەيىك، بۇعان دەيىن قىسقى وليمپيادانى وتاندىق تەلەارنالاردىڭ تىكەلەي ەفيردە تاماشالاۋعا بولاتىنى تۋرالى حابارلاعان ەدىك.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى