بيلل كلينتون الماتىدا ۋچاسكەلىك پوليتسيا قىزمەتكەرى بولدى

Tengrinews.kz ءتىلشىسى ا ق ش-تىڭ بۇرىنعى پرەزيدەنتىمەن اتتاس الماتىلىقتى تاپتى.

بيلل كلينتون وسيپوۆ - وڭتۇستىك قازاقستاننىڭ تۋماسى. 1996 -جىلى تۋعان. مۇنداي ەرەكشە ەسىمدى وعان اتا-اناسى قويعان. سول كەزدە ا ق ش-تىڭ 42-پرەزيدەنتى تانىمال بولعان.

«ادامدار ۇنەمى اتى-ءجونىم شىن با، وتىرىك پە دەپ سۇرايدى. ءتولقۇجات بويىنشا ەسىمىم وسىنداي ءارى وزىمە ۇنايدى. بالا كەزىمدە ىڭعايسىز بولاتىن، ءبىراق قازىر ونداي جوق، ءبارى جاقسى»، - دەيدى ەر ادام.

بيلل كلينتون سەرىك ۇلىنىڭ ايتۋىنشا، ەسىمىن وزگەرتۋ دەگەن وي ەشقاشان بولعان ەمەس.

«وتباسىم مەن دوستارىم مەنى جاي عانا بيلل دەپ اتايدى»، - دەپ قوستى ول.

بۇعان دەيىن ب ا ق-تا ول تۋرالى جازىلعان بولاتىن. ۇلىنىڭ ەسىمىن اناسى قويعان. «مەن ۇلىمنىڭ ادەمى جانە دەنى ساۋ بولىپ وسكەنىن قالادىم. سول ۋاقىتتا تەلەديداردان بيلل كلينتوندى كوردىم»، - دەپ ءتۇسىندىردى قابيلا وسيپوۆانىڭ اناسى.

ول ساكسوفوندا ويناعىسى كەلگەنىن ايتتى. ءبىراق جىگىت ءوزىن قۇقىق قورعاۋ ورگاندارىنداعى قىزمەتكە ارناۋدى شەشكەن. ول ۇيلەنگەن، ۋچاسكەلىك ينسپەكتور بولىپ جۇمىس ىستەيدى. بۇعان دەيىن ول بانكتە ءبىراز ۋاقىت جۇمىس ىستەگەن.

«نەگىزىنەن اكىمشىلىك قۇقىقبۇزۋشىلىق، قوعامدىق ءتارتىپ، تۇرمىستىق زورلىق-زومبىلىق ماسەلەلەرىمەن جۇمىس ىستەيمىز. ماعان پوليتسيادا جۇمىس ىستەگەن ۇنايدى»، - دەپ تۇيىندەدى بيلل كلينتون وسيپوۆ.

ونىڭ ايتۋىنشا، مۇمكىندىك تۋسا، ا ق ش-تىڭ بۇرىنعى پرەزيدەنتى، ناعىز بيلل كلينتونمەن جەكە كەزدەسۋگە قارسى ەمەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى