مەملەكەت باسشىسى: وق اتۋعا بۇيرىق بەرىلگەن كەزدە الاڭداردا بەيبىت شەرۋشىلەر بولعان جوق
«ودان كەيىن «ول بەيبىت شەرۋشىلەردى اتۋعا بۇيرىق بەردى» دەگەن سياقتى بولعان وقيعانى باسىنان اياعىنا توڭكەرىپ تالقىلاۋ قاجەت ەمەس. ول كەزدە الاڭداردا بەيبىت شەرۋشىلەر قالماعان بولاتىن. ونداعىلار بۇزاقىلىق جاساپ جاتقان، توناۋعا باردى. بانديتتەر تاراپىنان ايرىقشا قاتىگەزدىك بايقالدى»، - دەگەن پرەزيدەنت ءتارتىپ پەن قاۋىپسىزدىكتى قاداعالايتىن قۇزىرلى ورگانداردىڭ سول كەزدە قالاي ارەكەت ەتكەنىن ەسكە الدى.
«توتەنشە جاعداي رەجيمى ەنگىزىلگەن كەزدە باسقارۋشى ۇيىم ىشكى ىستەر مينيسترلىگى بولادى. توتەنشە جاعداي رەجيمى انتيتەرروريستىك وپەراتسيا رەجيمىنە اۋىسقان كەزدە باسقارۋشى ۇيىم ۇلتتىق قاۋىپسىزدىك كوميتەتى بولۋى كەرەك. مۇنداي اۋىسىمدى ىسكە اسىرۋ وتە قيىن. ولار ىستەردى وتكىزىپ، كەڭەسىپ جاتتى. مەن ايتتىم:«جولداستار، تىڭداڭىزدار، سوعىس بولىپ جاتىر، ال سىزدەر ءماجىلىس قۇرىپ وتىرسىزدار. سىزدەرگە كوتەرىلىستى باسۋدىڭ بۇكىل جاۋاپكەرشىلىگىن ءوز بولىمشەلەرىڭىزگە الۋعا بۇيرىق بەرەمىن. ال مەن سىزدەرگە ەندى تەك جوعارى قولباسشى رەتىندە عانا ەمەس، قاۋىپسىزدىك كەڭەسىنىڭ ءتوراعاسى رەتىندە پارمەن بەرەمىن» دەپ ايتتىم»، - دەدى پرەزيدەنت.
