ەلدەگى تارتىپسىزدىكتەر تاساسىندا كىم تۇر - قاسىم- جومارت توقايەۆ جاۋاپ بەردى
«مۇنى تەرگەۋ كورسەتەدى. تەرگەۋ بارىسىنىڭ الدىن وراعىم كەلمەيدى. بۇل دۇرىس تا بولمايدى. جۇمىس تا وتە كوپ. سودىرلاردىڭ كوپشىلىگى، ونىڭ ىشىندە ولاردىڭ كومانديرلەرى الماتىدان كەتىپ ۇلگەردى. بىرەۋلەر اۋىلدىق جەرلەرگە ءسىڭىسىپ كەتسە، ەندى ءبىرى شەكارانى كەسىپ ءوتتى. كورشى ەلدەرگە دە كەتىپ قالعاندارى بار. ەندى بىرەۋلەرى تۇرلەرىن وزگەرتىپ، جاسىرىنىپ ءجۇر. ولاردىڭ ساقالدارىن قىرىپ، سىرتقى تۇرلەرىن وزگەرتكەنى، ازاماتتىق تۇلعاعا اينالعانى تۋرالى فاكتىلەر دە بار. ەگەر ولاردى تۇتقىنعا السا، ولار «ءبىز توسىننان ءوتىپ بارا جاتقان ادامدارمىز» دەپ اتتان سالادى. بۇلاي بولمايدى. تالقاندالعان دۇنيە اۋقىمىن وزدەرىڭىز دە الماتىدان كوردىڭىزدەر. ال سودان كەيىن ءبارى دە توسىننان ءوتىپ بارا جاتقان ادام بولا قالدى»، - دەپ اتاپ ءوتتى مەملەكەت باسشىسى.
قازاقستان پرەزيدەنتى «توسىننان زاڭسىز ۇستالعان ازاماتتاردىڭ» بار ەكەنىن، ولارعا قاتىستى كۇش قولدانۋ ارەكەتتەرى تىڭعىلىقتى تەرگەلەتىنىن ايتتى. «ياعني، مۇنىڭ ءمان- جايىن تىڭعىلىقتى تۇردە انىقتاۋ قاجەت»، - دەدى قاسىم- جومارت توقايەۆ.
