قاڭتار قاسىرەتىنىڭ سەبەبى مەن سالدارىن تەرەڭ تالداۋىمىز كەرەك - توقايەۆ
«قاڭتاردىڭ العاشقى كۇندەرىندە قازاقستان سالماقتى سىلكىنىستى باستان وتكەردى. ءبىز كونستيتۋتسيالىق ءتارتىپتى، مەملەكەت نەگىزدەرىن، ەلدىڭ تۇتاستىعىن، حالىق بىرلىگىن بۇزۋعا جانە سايىپ كەلگەندە، بيلىكتى باسىپ الۋعا باعىتتالعان، مۇقيات جوسپارلانعان شابۋىلعا تاپ بولدىق»، - دەدى مەملەكەت باسشىسى.
پرەزيدەنتتىڭ ايتۋىنشا، ەل ازاماتتارىنىڭ ۇيىمشىلدىعىنىڭ، ىنتىماعىنىڭ، باتىلدىعىنىڭ، سانالىلىعىنىڭ ارقاسىندا مەملەكەتتىڭ كۇيرەۋىن بولدىرماي، قازىرگىدەن دە كوپ قانتوگىسكە جول بەرىلمەگەن.
«قاسىرەتتى قاڭتار» ءبىز ءۇشىن تاۋەلسىزدىك جىلدارىنداعى ەڭ اۋىر سىناق بولدى. ءبىز قوعامنىڭ كەمەلدىگى مەن مەملەكەتتىڭ اۋقاتتىلىعى سىناعىن ءساتتى تاپسىردىق. ءبىراق ءبىز وسى وقيعالاردىڭ بۇكىل سەبەپتەرى مەن سالدارىن تەرەڭ تالداۋىمىز كەرەك. باستان كەشكەن تراگەديادان قاجەتتى ساباقتاردىڭ ءبارىن الۋىمىز كەرەك»، - دەدى پرەزيدەنت.
اۆتور: ەسىمجان ناقتىباي
