قازاقستاننىڭ قاۋىپسىزدىگىن قامتاماسىز ەتۋدە ەلوردانى سارى ارقانىڭ ورتالىعىنا كوشىرۋ ۇلكەن ءرول وينادى – پرەزيدەنت

بۇل تۋرالى «Nur Otan» پارتياسىنىڭ كەزەكتەن تىس 21- سەزىندە ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«90- جىلداردىڭ باسىندا تانىمال ساياساتكەرلەر مەن ساياساتتانۋشىلار دەموگرافيالىق ەرەكشەلىكتەر مەن قازاقستان شەكاراسىنىڭ رەتتەلمەگەندىگىنە بايلانىستى ەلىمىزدىڭ تەز ارادا كۇيرەيتىندىگىن بولجاعان ەدى»، - دەدى ق ر پرەزيدەنتى.

مەملەكەت باسشىسى 90- جىلداردىڭ ورتاسىندا ەلىمىز شەكاراسىن زاڭدى تۇردە راسىمدەۋ جۇمىسىن باستاپ، ونى دەليميتاتسيالاۋ جانە دەماركاتسيالاۋ جۇمىسىن اياقتاعاندىعىن اتاپ ءوتتى.

«بۇل جەتىستىك مەملەكەتىمىزدىڭ قاۋىپسىز قىزمەت ەتۋى ءۇشىن ستراتەگيالىق ماڭىزعا يە بولدى. قازاقستاننىڭ قاۋىپسىزدىگىن قامتاماسىز ەتۋدە، ونىڭ گەوساياسي پوزيتسياسىن نىعايتۋدا ەلوردانى سارى ارقانىڭ ورتالىعىنا كوشىرۋ ۇلكەن ءرول وينادى. بۇل شەشىمدى شەتەلدە دە، ەلىمىزدىڭ ىشىندە دە ستراتەگيالىق كورەگەندىلىك دەپ مويىندايدى»، - دەدى قاسىم- جومارت توقايەۆ.

«تۇتاستاي العاندا، قازاقستان نارىقتىق ەكونوميكاعا اينالىپ، ءوزىنىڭ بەيبىت سۇيگىشتىگى مەن حالىقارالىق مىندەتتەمەلەردى بەرىك ۇستاناتىنىن مالىمدەپ، الەمدىك قاۋىمداستىقتاعى بەدەلدى، قۇرمەتتى ەلگە اينالدى. الەمدىك قاۋىمداستىقتا ول يادروعا قارسى جاھاندىق قوزعالىستىڭ كوشباسشىسى دەپ اتالادى. سونداي- اق، تاۋەلسىزدىك جىلدارىندا قازاقستان بارلىق ەكونوميكالىق كورسەتكىشتەر بويىنشا ورتالىق ازيا وڭىرىندە الدىڭعى قاتارعا شىققانىن ۇمىتپاۋ كەرەك»، - دەدى قاسىم- جومارت توقايەۆ.

ايتا كەتەيىك، پارتيا سەزىندەگى مەملەكەت باسشىسىنىڭ سويلەگەن ءسوزى ق ر پرەزيدەنتى باسپا ءسوز قىزمەتىنىڭ Twitter - دەگى پاراقشاسىندا جاريالانۋدا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى