سولتۇستىك كورەيا الەمدى تاعى شوشىتتى

رەسمي سەۋلدىڭ مالىمدەۋىنشە، ۇشىرىلعان بالليستيكالىق زىمىران بولۋى مۇمكىن. گەوساياسي جاعدايدىڭ ۋشىعۋىنا بايلانىستى جاپونيا پرەمەر- ءمينيسترى كەڭسەسى جانىنان داعدارىس شتابىن قۇردى.

ويتكەنى سولتۇستىك كورەيا جىل باستالماي جاتىپ وسىمەن ءتورتىنشى رەت الەمدى شوشىتتى. قاڭتاردىڭ 5- ءى مەن 11-ىندە گيپەردىبىستى زىمىران، ال وتكەن جۇما كۇنى تەمىرجولدان تاعى ءبىر ۇلكەن وق- تۇمسىق اتىلعان.

حيروكادزۋ ماتسۋنو، جاپونيا ۇكىمەتىنىڭ باس حاتشىسى:

- سولتۇستىك كورەيانىڭ ءىس- ارەكەتى جاپونيا مەن ايماقتاعى، سونداي- اق حالىقارالىق قاۋىمداستىقتاعى بەيبىتشىلىك پەن قاۋىپسىزدىككە قاتەر ءتوندىرىپ تۇر. ءبىز مۇنى قاتاڭ ايىپتايمىز. ادامداردىڭ ءومىرىن قورعاۋ ماقساتىندا اقپارات جيناپ، ونى تالداپ، مونيتورينگ جاساۋدى جالعاستىرا بەرمەكپىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى