زاڭسىز جۇرگەن شەتەل ازاماتتارى انىقتالىپ، ەلدەن شىعارىلۋدا

«ەلوردادا قۇقىق قورعاۋ ورگاندارىنىڭ قىزمەتكەرلەرى قوعامدىق ءتارتىپ پەن ازاماتتاردىڭ قاۋىپسىزدىگىن قامتامسىز ەتۋدە. قالاداعى جاعداي تولىق باقىلاۋدا. ەلوردا اۋماعىندا 6 بلوك- بەكەت قويىلىپ، ءتارتىپ ساقشىلارى تاۋلىك بويى كۇزەتۋدە. كومەندانتتىق ساعات رەجيمى كەشكى 23.00-دەن تاڭعى ساعات 07.00-گە دەيىن ساقتالادى»، - دەپ حابارلاندى دەپارتامەنتتەن.

حابارلامادا ايتىلعانداي، توتەنشە جاعداي كەزىندە جەدەل الدىن- الۋ شارالارى وتكىزىلىپ، پوليتسەيلەر تۇرعىن ۇيلەردى تەكسەرىپ جاتىر.

«پوليتسيا ينسپەكتورلارى زاڭعا قايشى ارەكەتتەرگە جول بەرمەۋ جانە كوشى- قون زاڭناماسىن بۇزۋ فاكتىلەرىن انىقتاۋ ماقساتىندا 4649 جالدامالى تۇرعىن ءۇي مەن 420 حوستەلگە تەكسەرۋ جۇرگىزدى. ونىڭ بارىسىندا كوشى-قون زاڭناماسىن بۇزۋدىڭ 1372 فاكتىسى انىقتالىپ، 38 شەتەل ازاماتى ەلدەن شىعارىلدى. توتەنشە جاعداي رەجيمىن بۇزعانى ءۇشىن ق ر اكىمشىلىك كودەكسىنىڭ 476-بابى بويىنشا 318 ادام اكىمشىلىك جاۋاپقا تارتىلدى، ونىڭ 30 ى قاماۋعا الىنىپ جانە 137 ادامعا ايىپپۇل سالىندى»، - دەلىنگەن حابارلامادا.

سونداي-اق، ەلوردا پوليتسەيلەرى توتەنشە جاعداي كەزىندە ماس كۇيىندە كولىك باسقارعان 10 فاكتىنى انىقتاپ، جۇرگىزۋشىلەردى قاماۋعا العان.

«وسىنداي قيىن كەزەڭدە ازاماتتاردىڭ تاراپىنان بەيقام جۇرۋگە جول بەرىلمەۋى ءتيىس. توتەنشە جاعداي كەزەڭىندە الكوگولدىك ونىمدەردى ساتۋعا تىيىم سالىنعانىن ەستەرىڭىزگە سالامىن. زاڭبۇزۋشىلىق انىقتالعان جاعدايدا، الكوگولدى ساتۋشىلاردىڭ ليتسەنزياسىنان ايىرۋعا دەيىن قاتاڭ جازا قاراستىرىلعان»، - دەدى نۇر-سۇلتان قالاسى پوليتسيا دەپارتامەنتىنىڭ باسشىسى، ەلوردا كومەندانتى ەرجان سادەنوۆ.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى