قازاقستان مەن ا ق ش ەسەپ شوت تۋرالى اقپارات الماسادى
بۇگىن ءماجىلىس دەپۋتاتتارى وسى باعىتتاعى كەلىسىمدى راتيفيكاتسيالادى. وعان سايكەس، قازاقستان ءبىزدىڭ ەلدە شوت اشقان امەريكا ازاماتى تۋرالى بارلىق اقپاراتتى جيناپ، ا ق ش ۇكىمەتىنە بەرىپ وتىرادى. ءدال وسىلاي ا ق ش تاراپى دا شوت اشقان قازاقستان ازاماتتارى تۋرالى ءبىزدىڭ ەلگە اقپارات بەرۋگە مىندەتتى بولادى.
بۇگىن ماجىلىستە زاڭ جوباسى تۋرالى ۇلتتىق ەكونوميكا ءمينيسترى الىبەك قۋانتىروۆ بايانداما جاسادى. ونىڭ ايتۋىنشا، كەلىسىم قارجى جۇيەسىندەگى باقىلاۋدى ساقتاۋعا، سالىقتاردى جيناۋعا مۇمكىندىك بەرەدى. ەگەر قارجى ۇيىمدارى كليەنتى تۋرالى اقپاراتتى جاسىرىپ قالسا، ايىپپۇل سالىنادى. ال زاڭعا باعىنباعان قارجى اۋدارىمدارىنان ونىڭ كولەمى 30 پروتسەنت كولەمىندە ۇستالاتىن بولادى.
