الماتىدا دۇكەن توناعان بەس ادام ۇستالدى

المالى اۋداندىق پوليتسيا باسقارماسىنىڭ مالىمەتىنشە، قالا ورتالىعىندا كۇندىزگى ۋاقىتتا 21-27 جاس ارالىعىنداعى بەس ادام ۇستالدى. ولاردىڭ ەكەۋى - قىزدار. كۇدىكتىلەردىڭ ەسىرتكى تىعىپ جاتقانى بەلگىلى بولدى. ۇستالعانداردىڭ جالدامالى پاتەرىنەن بولشەك ساۋدا ءۇشىن ورالعان سينتەتيكالىق ەسىرتكى زاتى، سونداي-اق، كۇدىكتىلەر توناۋ كەزىندە قىلمىستىق جولمەن العان سيفرلىق قۇرال- جابدىقتار تابىلدى جانە تاركىلەندى. بارلىعى 70-تەن استام ۇنتاقتى زاتى بار ماگنيتتىك بۋمالار، كومپيۋتەردىڭ ەكى پروتسەسسورى مەن مونيتورى، نوۋتبۋكتەر، تەلەديدارلار، پروەكتورلار، پەرنەتاقتالار، ۆيرتۋالدى ويىندارعا ارنالعان جابدىقتار. سونداي-اق، اسكەريلەندىرىلگەن وق-دارىلەر تابىلدى جانە قىلمىستىق ءىس ماتەريالدارىنا قوسىلدى. كۇدىكتىلەر قاماۋعا الىندى. ولاردىڭ كىم ەكەنى جانە زاڭسىز ارەكەتتەرگە قاتىسى بار-جوعى تەكسەرىلۋدە.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى