الماتى تراگەدياسى: تارتىپسىزدىككە قاتىسقان قىلمىستىق توپ تۇركىستان وبلىسىندا ۇستالدى
الماتىداعى جاپپاي تارتىپسىزدىككە قاتىسىپ، ونداعى جاعدايدى جەكە ۇيالى تەلەفوندارىنا تۇسىرگەن 3 جاس جىگىت تۇركىستان وبلىسىنداعى بلوك بەكەتتەردەن ءوتۋ كەزىندە ۇستالدى.
بۇل تۋرالى تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى حابارلادى. قازىعۇرت اۋداندىق پ ب قىزمەتكەرلەرى الماتى- تەرمەز- تاشكەنت تاس جولىنداعى اقتاس بلوك بەكەتىندە «تويوتا» ماركالى اۆتوكولىكتە بولعان سارىاعاش جانە كەلەس اۋداندارىنىڭ 3 تۇرعىنىن ۇستادى. تەكسەرۋ كەزىندە جەدەل ۋاكىلدەر كولىكتەن تاپانشا تاۋىپ، تاركىلەدى.
اتالعان فاكتى قىلمىستىق كودەكستىڭ 287-بابى «قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا تىركەلدى. كۇدىكتىلەردىڭ بارلىعى قاماۋعا الىندى. بۇگىندە سوتقا دەيىنگى تەرگەۋ امالدارى جۇرگىزىلۋدە. بولعان وقيعانىڭ تولىق ءمان-جايى انىقتالۋدا.
