تۇركىستان وبلىسىندا دا بۇزاقىلار جولدى جاپپاقشى بولعان

شەرۋ كەزىندەگى جاعدايدى پايدالانعان بۇزاقىلار جەتىساي، ارىس، سارىاعاش اۋداندارىندا، كەنتاۋ جانە تۇركىستان قالالارىندا بۇلىك شىعارۋعا تىرىستى. ماسەلەن، وبلىس ورتالىعىندا 500 دەن استام ادام كوشەگە جينالىپ، جولداردى، سونداي-اق تەمىرجولداردى جاپپاقشى بولعان.

بۇل تۋرالى تۇركىستان وبلىسىنىڭ كومەندانتى، پوليتسيا گەنەرال- مايورى قايرات دالبەكوۆ ايتىپ بەردى.

«پوليتسەيلەردىڭ الدىندا قوعامدىق ءتارتىپتى بۇزۋعا جول بەرمەۋ جانە ازاماتتاردىڭ قاۋىپسىزدىگىن قامتاماسىز ەتۋ مىندەتى تۇردى. ال مۇنى پوليتسەيلەر مۇلتىكسىز ورىندادى. ناقتى جانە جەدەل ءىس-ارەكەتتەردىڭ ارقاسىندا جەكە قۇرام قىزمەتكەرلەرى شۇعىل قيمىلداپ، جاپپاي تارتىپسىزدىك پەن زاڭ بۇزۋشىلىققا مۇلدە جول بەرمەدى»، - دەدى ق. دالبەكوۆ.

جالپى، توتەنشە جاعداي ەنگىزىلگەن ۋاقىتتان بەرى پوليتسيا بولىمدەرىنە ءتۇرلى قۇقىق بۇزۋشىلىقتارمەن 900 دەن استام ادام جەتكىزىلگەن. ونىڭ ىشىندە 329 ادام توتەنشە جاعداي رەجيمىن بۇزعانى ءۇشىن اكىمشىلىك جاۋاپكەرشىلىككە تارتىلعان. بۇگىنگى تاڭدا تۇركىستان وبلىسى اۋماعىنداعى جاعداي تۇراقتى.

اۆتور: قايرات زاينيشەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى