قوردايداعى ۆاكسينا شىعاراتىن زاۋىتتى اسكەريلەر كۇزەتەدى

اكىمدىكتىڭ مالىمەتىنشە، مەديتسينالىق مەكەمەلەر، ازىق-تۇلىك دۇكەندەرى، بازارلار مەن جانار- جاعار ماي قۇيۋ بەكەتتەرى قالىپتى جاعدايدا جۇمىس اتقارىپ جاتىر. وڭىردە ا زىق- تۇلىك، ءدارى- دارمەك قورى جەتكىلىكتى. باعا تۇراقتىلىعى كۇندەلىكتى باقىلاۋعا الىنعان.

تەمىرجول ۆوكزالىندا 23.00-دەن كەيىن پويىزدان تۇسەتىن جولاۋشىلاردى ارنايى كەزەكشى اۆتوبۋستار تاسىمالدايدى. سونىمەن قاتار، قىلمىسكەرلەردى ۇستاۋ، جەدەل ىزدەستىرۋ شارالارى قولعا الىنعان. وبلىس اۋماعىندا 29 بلوك بەكەت جۇمىس ىستەيدى، ونىڭ ىشىندە تاراز قالاسىنىڭ كىربەرىسىنە 10 بلوك بەكەت قويىلعان. وندا وتكەن بارلىق كولىك تەكسەرىلەدى. بلوك بەكەتتەردە شەتەل، باسقا وڭىرلەردەن كەلگەن كولىكتەرى ءجىتى تەكسەرىلەدى.

وڭىردە قوعامدىق تىنىشتىقتى ساقتاۋ بويىنشا جەرگىلىكتى بيلىك پەن ەرىكتى حالىقتىڭ، قوعام بەلسەندىلەرىنىڭ بىرلەسكەن جۇمىسى جالعاسۋدا. قوعامدىق ءتارتىپتى قامتاماسىز ەتۋ جۇمىستارىنا وبلىستان 6000-عا جۋىق قۇقىق قورعاۋ ورگاندارى قىزمەتكەرى مەن اسكەري جانە 304 ارنايى تەحنيكا جۇمىلدىرىلعان.

ال، تارتىپكە شاقىرۋعا باعىتتالعان ءتۇسىندىرۋ جۇمىستارىنا 5 مىڭنان استام زيالى قاۋىم وكىلى، قوعام بەلسەندىسى، بەدەلدى سپورتشىلار جانە تاعى باسقا تۇلعالار تارتىلعان. وبلىستا توتەنشە جاعداي ەنگىزىلگەن. كومەندانت ساعاتى كەشكى 23:00-دەن تاڭعى 7:00-گە دەيىن. بلوك بەكەتتەر، اۋەجاي، اسكەري قويمالاردى اسكەريلەر قورعايدى.

سونداي-اق، ماڭىزدى ستراتەگيالىق نىسان بولىپ تابىلاتىن قورداي اۋدانى وتار اسكەري قالاشىعىنداعى بيولوگيالىق قاۋىپسىزدىك پروبلەمالارى عىلىمي زەرتتەۋ ينستيتۋتىن كۇزەتۋ اسكەريلەرگە جۇكتەلگەن.

اۆتور: سايا سەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى