وتاندىق كولىك الۋشىلارعا ۆاۋچەر بەرۋدى قاراستىرۋ كەرەك - پرەزيدەنت
بۇعان دەيىن پرەزيدەنت ۇكىمەتكە «وپەراتور روپ» كومپانياسىنىڭ ۋتيلدىك الىم جيناۋىنا تىيىم سالۋدى، ۋتيلدىك الىم ستاۆكالارىن قايتا قاراۋدى تاپسىرعان ەدى.
«مەملەكەتتىڭ ۋتيليزاتسيالاۋ، اۆتوموبيلدىك ونەركاسىپ پەن اۋىل شارۋاشىلىعى ماشينالارىن جاساۋعا قولداۋ كورسەتۋىن ەشكىم توقتاتقان جوق. بۇل ماسەلەنى بيزنەسپەن جانە قوعاممەن كونسترۋكتيۆتى تۇردە تالقىلاۋ كەرەك. وتاندىق اۆتوكولىك پەن اۋىل شارۋاشىلىعى تەحنيكاسىن ساتىپ الۋشىلارعا ۋتيلدىك الىم ەسەبىنەن ۆاۋچەر بەرۋ ماسەلەسىن قاراستىرۋ كەرەك. وسى جانە وزگە دە ۋتيلدىك الىم قاراجاتىن قوعامعا پايدامەن جاراتۋ تاسىلدەرىن قاراستىرىڭىزدار»، - دەدى پرەزيدەنت ءماجىلىستىڭ بۇگىنگى وتىرىسىندا.
ايتا كەتەيىك، مەملەكەت باسشىسى قاسىم-جومارت توقايەۆتىڭ پارلامەنت ءماجىلىسىنىڭ وتىرىسىندا سويلەگەن ءسوزىن 27 رەسپۋبليكالىق جانە وڭىرلىك تەلەارنا مەن 3 راديو تىكەلەي ەفيردە تاراتتى.
