مەملەكەتتىك باسقارۋدىڭ ءار دەڭگەيىندە كەدەيلىكتى تومەندەتۋ كورسەتكىشى ەنگىزىلەدى - توقايەۆ
«ازاماتتاردىڭ باقۋاتتىلىعى جانە الەۋمەتتىك قامسىزدىعى مەملەكەتتىڭ باستى نازارىندا بولۋى كەرەك. سانمەن ويىندى قويىپ، ناقتى ىستەرگە كوشەتىن كەز كەلدى. مەملەكەتتىك اپپارات كوپ جاعدايدا «ءوزىن-ءوزى ءتيىمدى جۇمىسپەن قامتۋشىلار»، «رەسمي ەمەس جۇمىسپەن قامتۋ» سياقتى تەميندەرمەن بۇركەمەلەنۋدى جاقسى كورەدى»، - دەدى پرەزيدەنت.
ايتۋىنشا، سونىڭ سالدارىنان كوپتەگەن ادامدار جۇمىسسىزدىقپەن بەتپە-بەت كەلىپ جانە الەۋمەتتىك قورعاۋسىز قالىپ جاتىر.
«بۇل الەۋەمتتىك- ەڭبەك سالاسىن ساپالى جاڭارتۋدى قاجەت ەتەدى. وسى ماقساتپەن مىناداي شارالاردى قابىلداعان ءجون. حالىقتىڭ تابىسىن ارتتىرۋ باعدارلاماسىن ازىرلەۋ قاجەت. جۇمىس ناتقى ءارى ءار ازاماتقا باعدارلانعان بولۋى كەرەك. باسقارۋدىڭ ءار دەڭگەيىندە كەدەيلىكتى تومەندەتۋدىڭ ناقتى كورسەتكىشتەرىن بەكىتۋ قاجەت»، - دەدى قاسىم-جومارت توقايەۆ.
ەسكە سالساق، ق ر پرەزيدەنتى قاسىم-جومارت توقايەۆ پارلامەنت ءماجىلىسىنىڭ وتىرىسىندا ق ر پرەمەر-ءمينيسترى لاۋازىمىنا ءاليحان سمايىلوۆتىڭ كانديداتۋراسىن ۇسىنىپ، ونى ءماجىلىس قابىلدادى. پرەزيدەنت جۋىقتا قازاقستاندى ساياسي ترانسفورماتسيالاۋ جونىندەگى جاڭا ۇسىنىستارىن جاريالايتىنىن ايتقان. سونداي-اق، ول 7-قاڭتاردا حالىققا جاساعان ۇندەۋىندە ۇكىمەتكە بۇگىنگى ءماجىلىس وتىرىسىندا ناتقى تاپسىرمالار بەرەتىنىن ايتقان ەدى.
«ۇكىمەت مەنىڭ 11-قاڭتاردا ماجىلىستە ايتاتىن سوزىمە قاتىستى ناقتى شەشىمدەر قابىلداۋى كەرەك»، - دەگەن مەملەكەت باسشىسى.
اۆتور: ەسىمجان ناقتىباي
