الماتىدا كوروناۆيرۋس جۇقتىرعانداردىڭ سانى ەكى ەسەگە ارتتى
بۇل تۋرالى اپپاراتتىق كەڭەس بارىسىندا الماتى قالاسى اكىمىنىڭ ورىنباسارى ەرجان باباقۇماروۆ ءمالىم ەتتى، دەپ حابارلايدى قازاقپارت ءتىلشىسى.
ونىڭ ايتۋىنشا، الماتىداعى ەپيدەميولوگيالىق جاعداي ناشارلاي تۇسۋدە. قالا سارى ايماقتا. حالىقتىڭ اپتالىق اۋرۋشاڭدىعى 2 ەسەگە ارتتى. بولجام بويىنشا، مەگاپوليستە ىندەتتىڭ تاعى ءبىر تولقىنى باستالدى. سونىمەن قاتار، قالا اكىمىنىڭ ورىنباسارى جاڭا جىلدىق مەرەكەلەر مەن ناقتى وقيعالارعا بايلانىستى تۇرعىندار كوروناۆيرۋسقا تەستىلەۋدەن 8-10 ەسە از وتكەنىن اتاپ ءوتتى. ونىڭ پايىمداۋىنشا، تەستىلەۋ كولەمى ۇلعايعان كەزدە وڭ سىنامالاردى انىقتاۋ دا ارتادى، بۇل ەپيدەميولوگيالىق احۋالدىڭ ناشارلاۋىنا جانە قالانىڭ ماتريتسانىڭ قىزىل ايماعىنا كوشۋىنە اكەلەدى. اپپاراتتىق كەڭەس بارىسىندا اتاپ وتكەندەي، 6-قاڭتاردا تولىق گەنومدىق سەكۆەنيرلەۋ ناتيجەلەرى الىندى: ق ر دەنساۋلىق ساقتاۋ مينيسترلىگىنە جىبەرىلگەن 96 ۇلگىنىڭ 8 سىناماسىنان وميكرون شتاممى تابىلدى، ونىڭ ىشىندە 7 سىناما الماتىدان جەتكىزىلدى. كوروناۆيرۋستىڭ دەلتا شتاممى ءالى دە بەلسەندى اينالىمدا. ول سىنامالاردىڭ 71 پايىزدا، دەلتا- پليۋس - 16 پايىزدا، باسقا شتاممداردا - 4,7 پايىزدا انىقتالدى.
«الماتىدا وميكرون شتاممىنىڭ اينالىمىن 20 جاستان 39 جاسقا دەيىنگى ادامدار اراسىندا جۇقتىرعانداردىڭ ۇلەس سالماعىنىڭ 16,4 پايىزعا (27,7 پايىزدان 44,1 پايىزعا دەيىن)، سونداي- اق 15-19 جاستاعى جاسوسپىرىمدەر اراسىندا 1,1 پايىزعا (4,2 پايىزدان 5,3 پايىزعا دەيىن) كۇرت وسكەنىن كورسەتەتىن جاس قۇرامىنا جۇرگىزىلگەن تالداۋ راستايدى. قالعان كونتينگەنتتەر بويىنشا تومەندەۋ تىركەلگەن (60 جانە ودان جوعارى جاستاعى ادامدار اراسىندا - 8,6 پايىزعا، 40 تان 59 جاسقا دەيىنگى ادامدار اراسىندا - 2,5 پايىزعا، 14 جاسقا دەيىنگى بالالار اراسىندا - 4,7 پايىزعا جانە 1 جاسقا دەيىنگى بالالار اراسىندا 0,3 پايىزعا)»، - دەدى ەرجان باباقۇماروۆ.
سونىمەن قاتار، سيمپتومسىز فورمالاردىڭ وتكەن جىلدىڭ جەلتوقسان ايىندا 6 پايىزدان 16 پايىزعا دەيىن ءوسۋى بايقالدى، بۇل وميكرونعا دا ءتان جانە ناۋقاستاردى ۋاقتىلى انىقتاۋ مەن وقشاۋلاۋدى قيىنداتۋى مۇمكىن. ەرجان باباقۇماروۆتىڭ ايتۋىنشا، وميكرون شتاممى وتە تەز جۇعادى، سونداي- اق جاستار ءۇشىن قاۋىپتى. قالا اكىمىنىڭ ورىنباسارى الماتىلىقتاردى وميكروننىڭ تارالۋىن تومەندەتۋ ءۇشىن ۆاكتسينا الۋعا شاقىردى. ەرجان باباقۇماروۆ قالادا حالىقتى كوروناۆيرۋسقا قارسى يممۋنداۋ جالعاسىپ جاتقانىن ايتتى. بۇگىنگى تاڭدا ءبىرىنشى كومپونەنتپەن 1077896 ادام، ەكى كومپونەنتپەن - 1028180 قالا تۇرعىنى ەگىلدى. رەۆاكسيناتسيا 69018 ادامعا جۇرگىزىلدى. الەمنىڭ جەتەكشى عالىمدارى مەن ساراپشىلارىنىڭ دەرەكتەرى بويىنشا، قولدانىستاعى ۆاكسينالارمەن ريەۆاكتسيناتسيا وميكرون شتاممىمەن جۇقتىرۋ كەزىندە اسقىنعان جانە ءولىم جاعدايلارىن ەمدەۋگە جاتقىزۋدان 70 پايىزعا قورعايدى. بۇگىنگى كۇنى الماتىدا ۇجىمدىق يممۋنيتەتتىڭ دەڭگەيى ءالى دە تومەن (%59,4).
اۆتور: الما مۇقانوۆا
