مەملەكەت باسشىسى تەرروريستىك اگرەسسياعا ۇشىراعان قالا تۇرعىندارىنا كوڭىل ايتتى
«مەملەكەتتىك توڭكەرىس، ەلدىڭ تۇراقتىلىعىنا قول سۇعۋ تالپىنىستارى ساتسىزدىككە ۇشىرادى. ءبىز ءبىرىڭعاي ۇلت رەتىندە بىرلىكتىڭ ارقاسىندا الماتى مەن وزگە وبلىس ورتالىقتارىن قورعاپ قالدىق. قىسقا مەرزىمدە ولار قالپىنا كەلتىرىلەدى جانە بۇرىنعىدان دا كورىكتەنە تۇسەدى. ەندى بۇل مەنىڭ تىكەلەي مىندەتىم جانە ارينە، ۇكىمەتتىڭ جاۋاپكەرشىلىگى»، - دەدى مەملەكەت باسشىسى. سونداي-اق، ول الماتى قالاسى پوليتسيا دەپارتامەنتىنىڭ عيماراتىندا شايقاستى تاعى ءبىر ەسكە الدى. «وسى مۇمكىندىكتى پايدالانا وتىرىپ، تەرروريستىك اگرەسسيانىڭ نىسانىنا اينالعان قالالاردىڭ تۇرعىندارىنا كوڭىل ايتقىم كەلەدى. وسى ءبىر قارالى كۇندەر ارتتا قالعان بۇگىنگى كۇندە ىشكى ىستەر مينيسترلىگىنىڭ ارنايى جاساقتارىنىڭ تەرروريستىك اگرەسسيانىڭ بەتىن قايتارۋداعى ەرلىگىن اتاپ وتكىم كەلەدى. مىسالى، الماتى قالاسىندا پوليتسيا وكىلدەرىنىڭ شاعىن توبى پوليتسيا دەپارتامەنتىن باسىپ الماشى بولعان بانديتتەردىڭ شابۋىل ەكى ءتۇن قاتارىنان تويتارىپ وتىردى»، - دەدى پرەزيدەنت.
ەسكە سالساق، ق ر پرەزيدەنتى قاسىم-جومارت توقايەۆ پارلامەنت ءماجىلىسىنىڭ وتىرىسىندا ق ر پرەمەر-ءمينيسترى لاۋازىمىنا ءاليحان سمايىلوۆتىڭ كانديداتۋراسىن ۇسىنىپ، ونى ءماجىلىس قابىلدادى. پرەزيدەنت جۋىقتا قازاقستاندى ساياسي ترانسفورماتسيالاۋ جونىندەگى جاڭا ۇسىنىستارىن جاريالايتىنىن ايتقان . سونداي-اق، ول 7-قاڭتاردا حالىققا جاساعان ۇندەۋىندە ۇكىمەتكە بۇگىنگى ءماجىلىس وتىرىسىندا ناتقى تاپسىرمالار بەرەتىنىن ايتقان ەدى.
«ۇكىمەت مەنىڭ 11-قاڭتاردا ماجىلىستە ايتاتىن سوزىمە قاتىستى ناقتى شەشىمدەر قابىلداۋى كەرەك»، - دەگەن مەملەكەت باسشىسى.
