پرەزيدەنت تارتىپسىزدىكتەردە قازا بولعانداردىڭ وتباسىنا كومەك كورسەتۋ تۋرالى ايتتى
«قازا بولعان ءتارتىپ ساقشىلارىنىڭ، اسكەري قىزمەتشىلەر مەن قاراپايىم ازاماتتاردىڭ وتباسىنا كومەك كورسەتۋ ءبىزدىڭ قاسيەتتى بورىشىمىز. بۇل ماسەلە مەنىڭ ءجىتى باقىلاۋىمدا بولادى. تۇرعىن ۇيمەن، وقۋمەن جانە باسقا دا قاجەتتى نارسەمەن قامتاماسىز ەتەمىز»، - دەدى ءماجىلىس وتىرىسىنا بەينەبايلانىس ارقىلى قاتىسقان قازاقستان پرەزيدەنتى.
ايتا كەتەيىك، بۇگىنگى مەملەكەت باسشىسى قاسىم-جومارت توقايەۆ ق ر پرەمەر-ءمينيسترى لاۋازىمىنا تاعايىنداۋعا كەلىسىم بەرۋ ءۇشىن ءاليحان اسحان ۇلى سمايىلوۆتىڭ كانديداتۋراسىن دەپۋتاتتاردىڭ قاراۋىنا ۇسىنعان بولاتىن. تالقىلاۋ بارىسىندا ءماجىلىس دەپۋتاتتارى پرەزيدەنتتىڭ ۇسىنىسىن ءبىراۋىزدان قولداپ، ءاليحان سمايىلوۆتىڭ ۇكىمەت باسشىسى بولىپ تاعايىندالۋىنا كەلىسىم بەردى.
اۆتور: مارلان جيەمباي
