توقايەۆ: قالالاردا ۇلتتىق قاۋىپسىزدىك كوميتەتى دەپارتامەنتىنىڭ باسشىلارى بورىشىنا ادالدىق تانىتا المادى
ق ر پرەزيدەنتى قاسىم-جومارت توقايەۆ پارلامەنت ءماجىلىسىنىڭ وتىرىسىندا وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
«شەتىن جاعدايدا قورعانىس مينيسترلىگى مەن مەملەكەتتىك قىزمەتتەگى اسكەري قىزمەتشىلەر ابىرويمەن كوزگە ءتۇستى. ءبىراق ءبارى بىردەي ءوزىنىڭ بورىشىنا ادالدىق تانىتقان جوق. ءبىرقاتار قالالاردا ۇلتتىق قاۋىپسىزدىك كوميتەتى دەپارتامەنتىنىڭ باسشىلارى جەتكىلىكتى اسكەري ارسەنال بولعانىنا قاراماستان، قىزمەتتىك عيماراتتاردى ونداعى قارۋ مەن قۇپيا قۇجاتتارمەن بىرگە ايقاسسىز تاستاپ كەتتى»، - دەدى مەملەكەت باسشىسى ءماجىلىس وتىرىسىندا.
ەسكە سالساق، ق ر پرەزيدەنتى قاسىم- جومارت توقايەۆ پارلامەنت ءماجىلىسىنىڭ وتىرىسىندا ق ر پرەمەر-ءمينيسترى لاۋازىمىنا ءاليحان سمايىلوۆتىڭ كانديداتۋراسىن ۇسىنىپ، ونى ءماجىلىس قابىلدادى. پرەزيدەنت جۋىقتا قازاقستاندى ساياسي ترانسفورماتسيالاۋ جونىندەگى جاڭا ۇسىنىستارىن جاريالايتىنىن ايتقان. سونداي-اق، ول 7-قاڭتاردا حالىققا جاساعان ۇندەۋىندە ۇكىمەتكە بۇگىنگى ءماجىلىس وتىرىسىندا ناتقى تاپسىرمالار بەرەتىنىن ايتقان ەدى.
«ۇكىمەت مەنىڭ 11-قاڭتاردا ماجىلىستە ايتاتىن سوزىمە قاتىستى ناقتى شەشىمدەر قابىلداۋى كەرەك»، - دەگەن مەملەكەت باسشىسى.
اۆتور: ەسىمجان ناقتىباي
