توقايەۆ ەۋروپا وداعىنىڭ ءتوراعاسى شارل ميشەلمەن ەلدەگى جاعدايدى تالقىلادى
بۇل جايىندا مەملەكەت باسشىسى ءوزىنىڭ Twitter پاراقشاسىندا ءمالىم ەتتى.
«شارل ميشەلمەن پايدالى اڭگىمە-دۇكەن قۇردىق. قازاقستانداعى جاعداي تۋرالى مالىمەتتەردى جاڭارتتىق. ءبىز مەملەكەتتىگىمىزگە قارسى بۇرىن-سوڭدى بولماعان اگرەسسيا اكتىسىنە تاپ بولدىق جانە ەلدە كونستيتۋتسيالىق ءتارتىپ پەن زاڭدىلىقتى قالپىنا كەلتىرۋ ءۇشىن جەدەل شارالار قابىلدادىق» دەپ جازدى قاسىم-جومارت توقايەۆ.
ايتا كەتەيىك، بۇگىن ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسى ءوتتى.
جيىن قازاقستان تاراپىنىڭ باستاماسىمەن شاقىرىلدى.
ەسكە سالايىق، ق ر پرەزيدەنتى قاسىم-جومارت توقايەۆ ۇ ق ش ۇ مۇشە ەلدەردىڭ باسشىلارىنان ەل اۋماعىنداعى تەرروريستىك قاۋىپتى ەڭسەرۋ ءۇشىن قازاقستانعا كومەك كورسەتۋدى سۇراعان بولاتىن.
10- قاڭتار كۇنى ق ر قورعانىس مينيسترلىگى مەن ۇ ق ش ۇ ۇجىمدىق بىتىمگەرشىلىك كۇشتەر قولباسشىلىعى مالىمدەمە جاسادى .
بۇگىن ق ر مەملەكەتتىك حاتشىسى ەرلان قارين ماڭعىستاۋ وبلىسىندا ۇ ق ش ۇ اسكەرى ورنالاسقان دەگەن اقپاراتتى جوققا شىعاردى . ونىڭ ايتۋىنشا، ۇ ق ش ۇ اسكەرى داعدارىس اياقتالعاننان كەيىن ەلىنە قايتادى.
