ەلوردادا «وميكرون» شتامىنىڭ تىركەلۋىنە بايلانىستى ماماندار تۇرعىنداردى ۆاكسينا الۋعا شاقىردى

قالالىق سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى جاننا پىراليەۆا ىندەتتىڭ بەتىن تەك بەلسەندى ۆاكسينالاۋ شاراسى عانا قايتاراتىنىن ايتادى.

«جالپى، ەلدەگى جاعداي كۇردەلەنە ءتۇستى. ۆاكسيناتسيا ۇلكەن اعىنمەن ءجۇرىپ جاتقان جوق. ءبىراق كەز-كەلگەن جاعدايدا ۆاكسينالاۋ جانە قايتا ۆاكسينالاۋ قاجەت. سەبەبى بۇگىنگى تاڭدا جالعىز قورعانىس ۆاكسيناتسيا جانە رەۆاكسيناتسيا بولىپ قالا بەرەدى. نەعۇرلىم كوبىرەك ۆاكسينا الساق، ىندەتتى تەزىرەك جەڭۋ مۇمكىندىگى سوعۇرلىم جوعارى بولادى»، - دەدى دەپارتامەنت وكىلى قالا تۇرعىندارىنا.

ونىڭ ايتۋىنا قاراعاندا، «وميكرون» دەلتا- شتامعا قاراعاندا 70 ەسە جىلدام تارايدى. «ەڭ ءبىرىنشى تاماق اۋرۋدان باستالادى. دەنە قىزۋى كوتەرىلەدى. تاعى ءبىر ەرەكشەلىگى - ادام تەز ارادا شارشاپ، جاتىپ قالادى. ەگەر تاڭەرتەڭ ويانعاندا ءوزىڭىزدى ناشار سەزىنسەڭىز، ۇيدەن شىعۋدىڭ قاجەتى جوق. ەگەر ءسىز ناۋقاسپەن بايلانىستا بولعانىڭىزدى ۇقساڭىز، دارىگەرگە بارۋىڭىز كەرەك. ۆيرۋستى تاراتپاۋ ماڭىزدى. رەسپۋبليكانىڭ باس مەملەكەتتىك سانيتارلىق دارىگەرىنىڭ قاۋلىسى بويىنشا، بەس كۇننىڭ ىشىندە قالادا اۋرۋشاڭدىق وسسە، شەكتەۋلەر قابىلدانادى»، - دەدى جاننا پراليەۆا.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى