ەلوردادا كوروناۆيرۋستىڭ كۇرت ورشۋىنە نە سەبەپ بولىپ وتىر

ەلوردادا «وميكرون» شتاممى Sars-Cov-2 ۆيرۋسىنىڭ تارالۋىنا بايلانىستى قالاداعى ەپيدەميولوگيالىق احۋال كۇرت ناشارلادى.

ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنىڭ مالىمەتتەرىنە قاراعاندا، وتكەن ەكى اپتادا ۆيرۋس كۇنىنە 80 ادامنان انىقتالىپ جاتتى.

سوڭعى بەس كۇندە اۋرۋشاڭدىق دەڭگەيى 5,5 ەسەگە ارتتى. رەپرودۋكتيۆتى سانى-3,2. ۇلەس سالماعى - 376,6 قۇرايدى. بۇگىندە جاڭا جاعدايلاردى تىركەۋ سانى 1442-گە جەتتى.

قاڭتاردىڭ العاشقى 10 كۇنىندە بارلىعى 4622 جاعداي تىركەلدى، بۇل وتكەن جەلتوقسان ايىنىڭ بارلىق كورسەتكىشتەرىنەن 1,7ەسەگە ارتىق ەكەنىن كورسەتىپ تۇر.

وتكەن جىلدىڭ جەلتوقسان ايىنىڭ سوڭىندا جۇرگىزىلگەن مولەكۋليارلىق- گەنەتيكالىق زەرتتەۋلەردىڭ ناتيجەلەرى بويىنشا ءبىر سىنامادا ك ۆ ي- دىڭ ىرىكتەلگەن 25 وڭ سىناماسىنان «وميكرون» شتامى انىقتالدى. بۇل جاعداي 16-جەلتوقساندا شەتەلدەن كەلگەن قالا تۇرعىنىنان دا انىقتالدى. ول پ ت ر تەستىنىڭ تەرىس ناتيجەسىمەن كەلدى، ءبىراق 22-جەلتوقساندا تاماق اۋرۋىمەن مەديتسينالىق كومەككە جۇگىندى، سودان كەيىن تەكسەرىلىپ، وڭ ماتەريالدى ءبىز تەكسەرىسكە جىبەردىك. مۇنداي كۇرت ءوسۋدىڭ نەگىزگى سەبەپتەرىنىڭ ءبىرى - «وميكرون» كوروناۆيرۋسىنىڭ جاڭا شتامىنىڭ تارالۋى جانە ازاماتتاردىڭ قالا بويىنشا بەلسەندى قوزعالىسىمەن بايلانىستى. سونىمەن قاتار قورعانىس شارالارىن ەلەمەۋى، ياعني ماسكا تاقپاۋ، ادامدار كوپ جينالاتىن جەرلەرگە بارۋى سەبەپ بولىپ وتىر.

«ەگەر سىزدە پ ت ر تەستى وڭ بولسا نەمەسە ءسىز ناۋقاستارمەن تىعىز بايلانىستا بولساڭىز، وندا ءسىز ءۇي كارانتينىندە بولۋىڭىز كەرەك، ويتكەنى ءسىز باسقالارعا ۇلكەن قاۋىپ ءتوندىرۋشى ەكەنىن ۇمىتپاۋدى سۇرايمىز»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى