قازاقستان تاۋەلسىزدىك جىلدارى نەشە رەت ازا تۇتۋ كۇنىن جاريالادى
2006 -جىل، 22-قىركۇيەك. لەنين (شاحتينسك) اتىنداعى شاحتاداعى قايعىلى جاعداي. 2006 -جىلدىڭ 20-قىركۇيەگىندە قاراعاندى وبلىسىنىڭ شاحتينسك قالاسىنداعى لەنين اتىنداعى شاحتادا بولعان تەحنوگەن اپاتى. جارىلىس سالدارىنان 41 كەنشى قايتىس بولى، جەتى جۇمىسشى جارالاندى.
2008 -جىل، 14-16-قاڭتار. «اباي» شاحتاسىنداعى مەتان جارىلىسى. مەتان جارىلىسى 400 مەتر تەرەڭدىكتە بولدى. رەسمي ورگاندار وسى ۋاقىتتا شاحتادا 191 ادام بولعانىن جاريا ەتتى. جارىلىستان كەيىن لاۆا قىزىل جالىنعا ورانىپ، سونىڭ سالدارىنان. 30 ادام قازا تاپتى.
2010 -جىل، 16-ناۋرىز. قىزىلاعاشتاعى سۋ تاسقىنى. بۇل — تاۋەلسىز قازاقستان تاريحىنداعى ەڭ جويقىن سۋ تاسقىندارىنىڭ ءبىرى. الماتى وبلىسىنىڭ قىزىلاعاش اۋىلىندا ناۋرىزدىڭ 11 نەن 12 سىنە قاراعان ءتۇنى بولعان وقيعا. قايعىلى جاعدايدان 43 ادام كوز جۇمدى، ولاردىڭ اراسىندا سەگىز بالا بولعان.
2012 -جىل، 5-ماۋسىم. ارقانكەرگەندەگى قاندى وقيعا. 28-مامىردا «ارقانكەرگەن» شەكارا قىزمەتىندە 14 شەكاراشى مەن قورىقشى قازا تاپتى. قىلمىستىڭ جاسالۋىنا ءتىرى قالعان سارباز - ۆلاديسلاۆ چەلاح كىنالى دەپ تانىلدى. ول قازىرگى ۋاقىتتا تەمىر توردا جازاسىن وتەپ جاتىر.
2012 -جىل، 27-جەلتوقسان. شىمكەنتتە ۇشاقتىڭ قۇلاۋى 2012 -جىلى 25-جەلتوقساندا شىمكەنت ماڭىندا ا ن-72 اسكەري ۇشاعى اپاتقا ۇشىراعان. اۋە كولىگىنىڭ بورتىنداعى 27 ادامنىڭ بارلىعى قازا تاپتى.
2013 -جىل، 31-قاڭتار. SCAT كومپانياسىنىڭ ۇشاعى اپاتقا ۇشىراۋى اۋە اپاتى سالدارىنان بورتتاعى 21 ادام قازا تاپتى. 16 جولاۋشى جانە ەكيپاجدىڭ 5 مۇشەسى. SCAT اۆياكومپانياسىنىڭ لاينەرى كوكشەتاۋ - الماتى باعىتىندا ىشكى رەيستى ورىنداۋ كەزىندە الماتى اۋەجايى ماڭىندا قۇلاعان.
2016 -جىل 9-ماۋسىم. اقتوبەدەگى لاڭكەستىك تەررورلىق اكت سالدارىنان لاڭكەستەردىڭ قولىنان 8 ادام قازا تاپتى. انتيتەررورلىق وپەراتسيا كەزىندە 18 قىلمىسكەردىڭ كوزى جويىلدى.
2019 -جىل، 28-جەلتوقسان. BekAir ۇشاعىنىڭ اپاتقا ۇشىراۋى 2019 -جىلى 27-جەلتوقساندا الماتىدان نۇر- سۇلتانعا باعىت العان Bek air اۋە كومپانياسىنىڭ رەيسى اپاتقا ۇشىرادى. بىرنەشە ساعات وتكەن سوڭ قازا تاپقانداردىڭ ناقتى سانى مەن ەسىمدەرى بەلگىلى بولدى.
2020 -جىل، 13-شىلدە ەلىمىزدە كوروناۆيرۋستان قايتىس بولعانداردى ۇلتتىق ازا تۇتۋ كۇنى دەپ جاريالادى.
2021 -جىل، 26-تامىز. جامبىل وبلىسىنىڭ بايزاق اۋدانىندا وق- دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازا بولۋىنا بايلانىستى قازاقستان رەسپۋبليكاسىندا جالپىۇلتتىق ازا تۇتۋ جاريالاندى.
2022 -جىل، 10-قاڭتار. ەلدەگى جاپپاي تارتىپسىزدىكتەر كەزىندە كوپتەگەن ادامنىڭ قايتىس بولۋىنا بايلانىستى ق ر پرەزيدەنتى قاسىم- جومارت توقايەۆ 10-قاڭتاردى جالپى ۇلتتىق ازا تۇتۋ كۇنى دەپ جاريالادى.
