قىرعىزستان تۇرعىنى الماتىداعى ميتينگىگە قالاي تاپ بولعانى تۋرالى ايتتى

Qazaqstan تەلەراناسىندا قىرعىزستان تۇرعىنىڭ الماتىداعى ميتينگىگە قاتىسۋ ءۇشىن 90 مىڭ تەڭگە اقشا ۇسىنىلعانى تۋرالى ۆيدەو كورسەتىلدى.

«1-قاڭتار كۇنى ماعان بەيتانىس ادامدار قوڭىراۋ شالىپ، 90 مىڭ تەڭگە بەرەتىندەرىن ايتىپ، ميتينگىگە قاتىسۋدى ۇسىندى. مەن قىرعىزستاندا جۇمىسسىز جۇرگەندىكتەن كەلىستىم. ولار ماعان بيلەت ساتىپ اپەردى دە، 2-قاڭتار كۇنى الماتىعا ۇشىپ كەلدىم. مەنى ولار پاتەرگە الىپ باردى. وندا تاجىكستان، وزبەكستان ازاماتتارى دا بار ەكەن. ولاردىڭ سوزدەرىن تۇسىنگەن جوقپىن. ميتينگ باستالعان كەزدە قورقىپ كەتىپ، پاتەرگە قايتىپ كەلدىم. سوندا تۇنەپ، كەلەسى كۇنى ۇيگە قايتۋعا بەكىندىم. ءبىراق مەنى سامسى اۋىلىندا اسكەريلەر ۇستاپ الدى. پاتەردە 10 عا جۋىق ادام بولعان شىعار»، - دەپ ەسكە الادى اتى- ءجونى كورسەتىلمەگەن بەيتانىس ادام.

ەسكە سالساق، ق ر ىشكى ىستەر ءمينيسترىنىڭ مىندەتىن اتقارۋشى ەرلان تۇرعىمبايەۆ: الماتىداعى وقيعالارعا بايلانىستى 125 سوتقا دەيىنگى تەرگەۋ باستالعانىن ايتقان بولاتىن.

«بيلىك وكىلدەرىنە قاتىستى كۇش قولدانۋ، بۇزاقىلىق، كىسى ءولتىرۋ، سونداي- اق قاراقشىلىق شابۋىلدار مەن ۇرلىقتىڭ بارلىق فاكتىلەرى بويىنشا سوتقا 125 دەيىنگى تەرگەۋ باستالدى. 5 مىڭنان استام ادام ۇستالدى»، - دەدى ءمينيستردىڭ مىندەتىن اتقارۋشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى