جامبىل وبلىسىندا ۇستالعانداردان قارۋ- جاراق ارسەنالى تابىلدى
بۇل تۋرالى «حابار 24» تەلەارناسى ءوڭىر كومەنداتۋراسىنا سىلتەمە جاساپ ءمالىم ەتتى، دەپ حابارلايدى قازاقپارات.
ۇستالعانداردان 14 دانا كالاشنيكوۆ اۆتوماتى، 1 دانا سنايپەرلىك ۆينتوۆكا، 15 كارابين، 8 پاترون مەن گراناتا تاركىلەندى. قاسكويلەر بۇل قارۋ- جاراقتى جامبىل وبلىسىنىڭ اۋماعىندا تەرروريستىك شابۋىلدار مەن جاپپاي تارتىپسىزدىكتەر كەزىندە قولدانۋدى كوزدەگەن. جالپى وبلىس بويىنشا 139 ادام ۇستالدى. ولاردان سونداي- اق ءىرى كولەمدە اقشا تابىلدى، سونىڭ ىشىندە ا ق ش دوللارى مەن قىرعىز سومى بار. جامبىل وبلىسىنىڭ اينالاسىنا 29 بلوكبەكەت قويىلدى.
