شىمكەنتتە دۇكەن توناعاندار تۇركىستاندا ۇستالدى

ولاردان ءتۇرلى تەحنيكالىق قۇرال جابدىقتار تابىلعان، دەپ حابارلايدى قازاقپارات ءتىلشىسى.

وبلىستىق كوممەنداتۋرانىڭ مالىمەتىنشە، بۇگىن تاڭعى ساعات 07:30 دار شاماسىندا الماتى-تۇركىستان باعىتىنان كەلە جاتقان اۆتوبۋس توقتاتىلعان. ونداعى جولاۋشىلاردىڭ تۇلعاسى مەن جۇكتەرىن قاراۋ بارىسىندا ەكى ازاماتتان ءتۇرلى تۇرمىستىق تەحنيكالىق زاتتار تابىلعان.

«الماتى-تۇركىستان باعىتىنان كەلە جاتقان اۆتوبۋستىڭ جولاۋشىلارى 30.12.1995ج. ت. م. ۇ. ن. (ۇلتى قازاق، الدىندا توناۋ فاكتىسىمەن سوتتالعان) جانە 02.04.1998 ج. ت. ب. ب. ب. (ۇلتى قازاق، الدىندا ۇرلىق پەن سوتتالعان) جۇكتەرىنە تەكسەرۋ جۇرگىزۋ بارىسىندا 1 نوۋتبۋك، 2 Iphone، 1دانا Samsung تەلەفوندارى، 3 Canon فوتواپپارات، 11 التىن بۇيىمدارى جانە 2 سومكە جاڭا كيىمدەر انىقتالدى.

وسى وقيعا بويىنشا تەرگەپ-تەكسەرۋ جۇمىستارى جۇرگىزىلۋدە. اتالعان وقيعا تۇركىستان ق پ ب- نىڭ ا ە ك 225126030000301№ تىركەلدى» دەلىنگەن حابارلامادا.

سونداي-اق، ءدال وسىنداي ءجايت جەتىساي اۋدانىندا دا تىركەلدى. وندا بلوكپوستتا توقتاتىلعان ەكى جولاۋشىدان بىرنەشە تۇرمىستىق تەحنيكالار تابىلعان.

ولاردىڭ تارتىپسىزدىك كەزىندە شىمكەنت قالاسىنداعى دۇكەندەردى توناۋعا قاتىسقانى انىقتالىپ وتىر. تەرگەۋ بارىسىندا ءبىر تۇرعىن قىلمىسىن تولىق مويىنداعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى